ყვარელსა და ჩოხატაურში „ღვინის დღეები“ გაიმართა

ყვარელსა და ჩოხატაურში „ღვინის დღეები“ გაიმართა

Date:

მთავრობის ადმინისტრაციის ორგანიზებით, მთელი ქვეყნის მასშტაბით ფესტივალი „ღვინის დღეები“ იმართება. ჩოხატაურმა ფესტივალს სოფელ ხიდისთავში უმასპინძლა. ღონისძიებას ჩოხატაურის მერი დავით შარაშიძე, გურიაში სახელმწიფო რწმუნებულთან, გიორგი ურუშაძესთან, შემოქმედელ მიტროპოლიტ იოსებთან, სამხარეო ადმინისტრაციისა და ადგილობრივი თვითმმართველობის წარმომადგენლებთან ერთად დაესწრო.

ანა კალანდაძის განახლებულ სკვერში მოეწყო მეღვინეების კუთხე, ღვინის დეგუსტაცია, ქართული კერძების სივრცე, ადგილობრივი ნაწარმის გამოფენა-გაყიდვა, გაიმართა გასართობი და შემეცნებითი აქტივობები.

ღვინის დღეებს ყვარელში, კახეთის სახელმწიფო რწმუნებული გიორგი ალადაშვილი, ყვარლის მუნიციპალიტეტის მერი გივი ზაუტაშვილი, საკრებულოს თავმჯდომარე ილია მზექალაშვილი და ადგილობრივი მოსახლეობა ესწრებოდა.

ილია ჭავჭავაძის სახელმწიფო მუზეუმის ეზოში მოეწყო შემოდგომის, ვაზის და ღვინის თემატიკის პავილიონები და ფოტოზონები. ტერიტორიაზე მოსული სტუმრებისთვის გაიმართა სხვადასხვა შემეცნებითი და გასართობი ღონისძიება. მოეწყო მეღვინეების კუთხე და კვების ზონა. გაიმართა საუბრები ღვინის ისტორიაზე და მის მნიშვნელობაზე.

ღვინის დღეები ყვარელში კონცერტით დასრულდა, რომელშიც მონაწილეობდნენ: „ჩვენი კვარტეტი“ და „გაგა ფრანი“.

world

ისრაელის უსაფრთხოების კაბინეტმა მხარი დაუჭირა „ჰეზბოლასთან“ ცეცხლის შეწყვეტის შესახებ შეთანხმებას

ებრაული მედიის, TIMES OF ISRAEL-ის თქმით, ისრაელსა და „ჰეზბოლას” შორის ცეცხლის შეწყვეტის შეთანხმება უახლოეს საათებში ოფიციალურად შევა ძალაში.

ისრაელის პრემიერ-მინისტრმა, ბენიამინ ნეთანიაჰუმ განაცხადა, რომ „ჰეზბოლა“ აღარ არის იგივე საბრძოლო ძალა, როგორც ადრე იყო.

შეთანხმების პირობები ამგვარია:

ისრაელმა ლიბანიდან ჯარები 60 დღის განმავლობაში სრულად უნდა გაიყვანოს.

ჰეზბოლამ ლიბანის სამხრეთიდან მდინარე ლიტანამდე ( 20-23კმ-ის მიღმა) უნდა გაიყვანოს ჯარები და სრულად გაანადგუროს ე.წ სამხედრო ინფრასტრუქტურა.

10 000 ლიბანელი ჯარისკაცი განლაგდება ისრაელ-ლიბანის საზღვრებთან- იქ, სადაც აქამდე ჰეზბოლას სამხედრო ინფრასტრუქტურა და საჯარისო ფორმირებები იყვნენ განთავსებულნი.

აშშ და სხვა მოკავშირე სახელმწიფოები გააძლიერებენ ლიბანის არმიის სამხედრო შესაძლებლობებს, რათა ისინი ძალებით მნიშვნელოვნად აღემატებოდნენ“ჰეზბოლას” სამხედრო შესაძლებლობებს.

შეთანხმების დარღვევის შეთმხვევაში ისრაელს ექნება უფლება, ხელახლა წამოიწყოს სამხედრო ოპერაცია სამხრეთ ლიბანის ტერიტორიაზე- შეერთებულ შტატებთან კონსულტაციებისა და მხარდაჭერის ფონზე.

See all