ვოლოდიმირ ზელენსკიმ უკრაინის შეიარაღებული ძალების ახალ მთავარსარდლად ალექსანდრ სირსკი დანიშნა

дата:

უკრაინის შეიარაღებული ძალების ახალ მთავარსარდლად ალექსანდრ სირსკი დაინიშნა. ამის შესახებ უკრაინის პრეზიდენტი ვოლოდიმირ ზელენსკი “ტელეგრამის” პირად არხზე წერს.

ზელენსკის თქმით, გენერალ ზალუჟნის გუნდში დარჩენა შესთავაზა.

“მადლობელი ვარ გენერალ ზალუჟნის დაცვის ორი წლისთვის. მადლობელი ვარ ყოველი გამარჯვებისთვის, რომელსაც ერთად მივაღწიეთ, და მადლობელი ვარ ყველა უკრაინელი ჯარისკაცისთვის, რომლებიც გმირულად იბრძვიან ამ ომში. გულწრფელად ვისაუბრეთ დღეს იმაზე, თუ რა საჭიროებს ცვლილებებს ჯარში. დაუყოვნებლივ ცვლილებებს. გენერალ ზალუჟნის შევთავაზე მომავალშიც იყოს უკრაინული სახელმწიფოს გუნდში. მადლობელი ვიქნები მისი თანხმობისთვის…

გენერალ პოლკოვნიკი სირსკი დავნიშნე უკრაინის შეიარაღებული ძალების მთავარსარდლად…

2024 წელი წარმატებული შეიძლება იყოს უკრაინისთვის მხოლოდ ეფექტიანი ცვლილებების პირობებში ჩვენი თავდაცვის საფუძველში, რაც არის უკრაინის შეიარაღებული ძალები,” - წერს ზელენსკი.

ცნობისთვის, ალექსანდრ სირსკის 2019 წლიდან უკრაინის სახმელეთო ძალების ხელმძღვანელის პოზიცია ეკავა.

წყარო: https://t.me/V_Zelenskiy_official/9406?fbclid=IwAR3_uZM2CJRH4XfGI3DXNngRFLRnpzak1XQq9FDaxVzVWiM08KoM5GiXBt8

общество

კულტურული მემკვიდრეობის დაცვის ეროვნული სააგენტო ჭაქვინჯის ციხის სრულ რეაბილიტაციას გეგმავს

საქართველოს კულტურის სამინისტროს ხელშეწყობითა და მხარდაჭერით კულტურული მემკვიდრეობის დაცვის ეროვნული სააგენტო ჭაქვინჯის ციხის სრულ რეაბილიტაციას გეგმავს. ამ ეტაპზე აქტიურად მიმდინარეობს რეაბილიტაციის საპროექტო დოკუმენტაციის მომზადება.

ეროვნული მნიშვნელობის კატეგორიის უძრავი ძეგლი საქართველოს კულტურული მემკვიდრეობის დაცვის ეროვნული სააგენტოს გენერალური დირექტორის პირველმა მოადგილემ, თამარ ყურაშვილმა და ზუგდიდის მუნიციპალიტეტის მერმა, დავით კოდუამ მოინახულეს.

სააგენტოსა და მუნიციპალიტეტის წარმომადგენლებმა ადგილზე დაათვალიერეს ციხის მდგომარეობა, ისაუბრეს მისი ისტორიული მნიშვნელობისა და სრული რეაბილიტაციის შემდეგ, მემკვიდრეობის ძეგლის კულტურულ-საგანმანათლებლო და ტურისტული პოტენციალის შესახებ, როგორც რეგიონის, ისე ქვეყნის მასშტაბით.

ჭაქვინჯის ციხეს ეროვნული მნიშვნელობის კატეგორიის უძრავი ძეგლის სტატუსი 2017 წელს მიენიჭა. ციხის კომპლექსი V-XVII საუკუნეებით დათარიღებული ქართული სათავდაცვო არქიტექტურის ნიმუშია, რომელიც მდებარეობს ზუგდიდის მუნიციპალიტეტში. მისი ისტორია მნიშვნელოვნად არის დაკავშირებული შუა საუკუნეების სამეგრელოს (ოდიშის) ისტორიასთან.

ძეგლზე სხვადასხვა პერიოდის ადრე, განვითარებული და შუა საუკუნეების სამშენებლო ფენებია გამოვლენილი. ნაგებობებს აქვთ თავისი ეპოქისთვის დამახასიათებელი სტილისტური და გეგმარებით-კონსტურქციული ელემენტები და მნიშვნელოვანი ისტორიული მახასიათებლები.

პროექტის მხარდამჭერია ასევე ზუგდიდის მუნიციპალიტეტი. მუნიციპალიტეტის ორგანიზებით, მოეწყობა ჭაქვინჯის ციხის მიმდებარე ტერიტორია და საგზაო ინფრასტრუქტურა.

более

голосование