,
„ტრამპის გარდა, მსოფლიოში მხოლოდ ერთი ლიდერია, რომელსაც კარგი ურთიერთობა აქვს როგორც თურქეთთან, ისე ისრაელთან — ეს არის ილჰამ ალიევი. როგორც APA იუწყება, ამის შესახებ აშშ-ის ვიცე-პრეზიდენტმა ჯეიმს დევიდ ვენსმა აზერბაიჯანის პრეზიდენტ ილჰამ ალიევთან ერთად პრესისთვის გაკეთებულ ერთობლივ განცხადებაში აღნიშნა.“
აშშ-მა და აზერბაიჯანმა “სტრატეგიული პარტნიორობის შესახებ ქარტიას” მოაწერეს ხელი. ამის შესახებ ინფორმაციას აზერბაიჯანული მედია ავრცელებს.
“აზერბაიჯანის რესპუბლიკის მთავრობასა და ამერიკის შეერთებული შტატების მთავრობას შორის სტრატეგიული პარტნიორობის შესახებ ქარტიის” ხელმოწერის ცერემონია ბაქოში აშშ-ის ვიცე-პრეზიდენტის, ჯეი დი ვენსის ვიზიტის ფარგლებში გაიმართა.
აშშ-ის მხრიდან ქარტიას ვიცე-პრეზიდენტმა, ჯეი დი ვენსმა, ხოლო აზერბაიჯანის მხრიდან ქვეყნის პრეზიდენტმა, ილჰამ ალიევმა მოაწერეს ხელი.
ცნობისთვის, სომხეთმა და აშშ-მა “სტრატეგიული პარტნიორობის შესახებ ქარტიას” ხელი 2025 წლის იანვარში მოაწერეს.
