,
საბურთალოს მაჟორიტარობის დამოუკიდებელი კანდიდატი ვატო შაქარიშვილი ცინცაძის 58 ნომერში უკანონო მშენებლობის საკითხთან დაკავშირებით ადგილობრივ მოსახლეობას შეხვდა. ამის შესახებ ინფორმაციას პრესსამსახური ავრცელებს.
მათივე ინფორმაციით, შაქარიშვილი წლებია აღნიშნულ მისამართზე თბილისის მერიის უკანონო მშენებლობაზე ნებართვის გაცემას მობინადრეებთან ერთად აპროტესტებს.
„ მოსახლეობამ გამოიჩინა საოცარი სიმტკიცე. არ დავუშვებ ხალხის ნების წინააღმდეგ უკანონო მშენებლობას, ბოლომდე ვიდგები მათ გვერდით, და ჩვენ ერთად აუცილებლად გავიმარჯვებთ ურბანულ ზონდერებზე“ , - განაცხადა შაქარიშვილმა.
პრესსამსახურის ინფორმაციით, 24 აგვისტოს თბილისის მერიაში აღნიშნულ საკითხზე დაგეგმილ განხილვას საბურთალოს დამოუკიდებელი კანდიდატი ადგილობრივ მოსახლეობასთან ერთად დაესწრება.
აშშ-ის პრეზიდენტი დონალდ ტრამპი ირანთან დაკავშირებით აშშ-ის მოსახლეობას მიმართავს, - ინფორმაციას თეთრი სახლის პრესსპიკერი, კეროლაინ ლევიტი ავრცელებს.
„ხვალ საღამოს 9 საათზე (თბილისის დროით ხუთშაბათი, 5:00 საათი), პრეზიდენტი ტრამპი ერს მიმართავს, რათა მათ მნიშვნელოვანი სიახლე გააცნოს“, - წერს ლევიტი X-ზე.
მანამდე, აშშ-ის პრეზიდენტმა, დონალდ ტრამპმა თეთრ სახლში ჟურნალისტებს განუცხადა, რომ ირანის წინააღმდეგ ომი, ძალიან მალე დასრულდება.
„ძალიან მალე დავტოვებთ. ვიტყოდი, რომ შესაძლოა ორ კვირაში. ორ კვირაში, შესაძლოა სამ კვირაში. რეჟიმის შეცვლა მოგვიწია. რეჟიმის შეცვლა არ იყო ერთ-ერთი იმ მიზნებს შორის, რაც მე მქონდა. მე მქონდა ერთი მიზანი: მათ არ ჰქონოდათ ბირთვული იარაღი და ეს მიზანი მიღწეულია. მათ არ ექნებათ ბირთვული იარაღი. მაგრამ ვასრულებთ სამუშაოს და ვფიქრობ, შესაძლოა ორ კვირაში, შესაძლოა კიდევ რამდენიმე დღეში, შევასრულოთ ეს სამუშაო. მაგრამ გვინდა, რომ გავანადგუროთ ყველაფერი, რაც მათ აქვთ“, - განაცხადა ტრამპმა.
