ვანის მუნიციპალიტეტში, საავტომობილო გზებზე სარეაბილიტაციო სამუშაოები ინტენსიურ რეჟიმში მიმდინარეობს.
ინფრასტრუქტურული ობიექტების მონიტორინგის ფარგლებში, ვანის მერი ალექსანდრე გოგორიშვილი და მერის პირველი მოადგილე გოჩა ჭუბაბარია, გადიდის ადმინისტრაციულ ერთეულში მიმდინარე გზის აღდგენის სამუშაოებს ადგილზე გაეცვნენ.
გადიდში საავტომობილო გზის მოწყობის სამუშაოები აქტიურ ფაზაშია. აღნიშნული გზაზე იგება ბეტონის საფარი, რაზედაც სახელმწიფო ბიუჯეტიდან 251 528 ლარი დაიხარჯება.
სამუშაოებს ტენდერში გამარჯვებული კომპანია შპს „მიმდემი“ ასრულებს.სპეციალისტების განცხადებით, გადიდის საავტომობილო გზის რეაბილიტაცია, ვადების დაცვით, ხარისხიანად ხორციელდება. ხელშეკრულებით ნაკისრი ვალდებულების თანახმად, გზის აღდგენის პროცესი ივლისის პირველ ნახევარში დასრულდება.
