ვაკის რაიონში, ატენის N16-ის მიმდებარე ტერიტორიაზე, სპორტული მოედნის რეაბილიტაცია დასასრულს მიუახლოვდა. პროექტი ჩინეთის საელჩოსთან საგრანტო ხელშეკრულების ფარგლებში განხორციელდა. სპორტული მოედანი აღჭურვილია თანამედროვე ინფრასტრუქტურით. პროექტის მიზანი სპორტის მოყვარულთა აქტივობების გაზრდა და ჯანსაღი ცხოვრების წესის ხელშეწყობაა.

ასევე, ვაკის რაიონის გამგეობის ინფრასტრუქტურული პროექტების ფარგლებში, ჭავჭავაძის N75-ის ტერიტორიაზე სკვერი მოეწყო. სივრცეში დამონტაჟდა საპარკო ავეჯი, განთავსდა საბავშვო მოედანი, სკვერი გამწვანდა.