USD 2.7503
EUR 3.1249
RUB 3.3429
Tbilisi
ვაკის რაიონში საგზაო ინფრასტრუქტურის განახლების პროცესი გეგმის მიხედვით გრძელდება
Date:  314
ვაკის რაიონში საგზაო ინფრასტრუქტურის განახლების პროცესი გეგმის მიხედვით გრძელდება. ამ დროისთვის, გზა ახალდაბაში, დუმბაძის ქუჩაზე ეწყობა. აღნიშნულ ტერიტორიაზე გზა დაზიანებული იყო, შესაბამისად გადაადგილება - პრობლემური. სამუშაოების შედეგად, დაახლოებით, 3000-მდე კვ. მ ფართობზე მოეწყო გზის საფუძველი და იგება ასფალტის საფარი. შედეგად, გადაადგილება უფრო კომფორტული და უსაფრთხო გახდება.
გზის საფარი, ასევე, იეთიმ გურჯის ქუჩაზე მოეწყო. ამ ტერიტორიაზეც გადაადგილება პრობლემური იყო გაუმართავი გზის გამო. პროექტის შედეგად, დაახლოებით, 2000 კვ. მ ფართობზე მოეწყო გზის საფუძველი, საყრდენი კედელი, სანიაღვრე ქსელი. პროექტის ბოლო ეტაპზე დაიგო ასფალტის ორფენიანი საფარი.
 
სამუშაო პროცესს ვაკის რაიონის გამგებელი დავით კვინიკაძე მაჟორიტარ დეპუტატთან ნოდარ ტურძელაძესთან ერთად გაეცნო და ადგილობრივ მოსახლეობას შეხვდა.
culture
კულტურის სამინისტრომ დათო დოიაშვილი თეატრის ხელმძღვანელის თანამდებობიდან გაათავისუფლა

კულტურის სამინისტრომ დავით დოიაშვილი “ვასო აბაშიძის სახელობის მუსიკისა და დრამის თეატრის” ხელმძღვანელის თანამდებობიდან გაათავისუფლა. შესაბამის განცხადებას საქართველოს კულტურის სამინისტრო ავრცელებს.

კულტურის სამინისტრო გადაწყვეტილების მიზეზებს განმარტავს და აცხადებს, რომ სამინისტროს მხრიდან "არაერთგზის გაფრთხილების" მიუხედავად, “ვასო აბაშიძის სახელობის მუსიკალური კომედიისა და დრამის პროფესიული სახელმწიფო თეატრის” ხელმძღვანელობა სადამფუძნებლო მიზნებით გათვალისწინებულ "ვალდებულებას არ ასრულებდა", ხოლო თეატრში შემოქმედებითი პროცესი თვეების მანძილზე შეჩერებული იყო.

“ვასო აბაშიძის სახელობის მუსიკალური კომედიისა და დრამის პროფესიული სახელმწიფო თეატრი” არის სახელმწიფოს მიერ დაფუძნებული საჯარო სამართლის იურიდიული პირი.

სახელმწიფო პროფესიული თეატრი, ისევე, როგორც ნებისმიერი სხვა სსიპ-ი ანგარიშვალდებულია და აქვს კანონით დაკისრებული მოვალეობა, აღასრულოს მიზნები, რისთვისაც სახელმწიფომ დააფუძნა.

კერძოდ, თეატრში შემოქმედებითი საქმიანობა უნდა ხორციელდებოდეს ისევე უწყვეტად, როგორც სახელმწიფო ბიუჯეტიდან მისი დაფინანსება ხორციელდება.

საქართველოს კულტურის სამინისტროს მხრიდან არაერთგზის გაფრთხილების მიუხედავად, სამწუხაროდ, “ვასო აბაშიძის სახელობის მუსიკალური კომედიისა და დრამის პროფესიული სახელმწიფო თეატრის” ხელმძღვანელობა სადამფუძნებლო მიზნებით გათვალისწინებულ ამ ვალდებულებას არ ასრულებდა. სახელმწიფო ბიუჯეტიდან მიღებული უწყვეტი დაფინანსების პირობებში, თეატრში შემოქმედებითი პროცესი თვეების მანძილზე შეჩერებული იყო.

აქედან გამომდინარე, კულტურის სამინისტრომ, როგორც სსიპ “ვასო აბაშიძის სახელობის მუსიკისა და დრამის თეატრის” დამფუძნებელმა უწყებამ, მიიღო კანონისმიერი გადაწყვეტილება, სსიპ-ის უწყვეტ და გამართულ ფუნქციონირებაზე პასუხისმგებელი პირის, თეატრის ხელმძღვანელის, დავით დოიაშვილის თანამდებობიდან გათავისუფლების შესახებ”, - აღნიშნულია განცხადებაში.

See all
Survey
ვინ გაიმარჯვებს რუსეთ - უკრაინის ომში?
Vote
By the way