რეაბილიტაციის ფარგლებში ტერიტორიაზე მოეწყობა გარე განათების სისტემა, საფეხმავლო ბილიკი, ვიდეომეთვალყურეობის სისტემები, განთავსდება საპარკო ავეჯი. გარდა ამისა, ჩატარდება გამწვანებისათვის საჭირო ყველა ღონისძიება. ტერიტორიაზე შევა ნოყიერი მიწის ნაზავი, მოეწყობა სარწყავი სისტემა, დაირგვება სხვადასხვა სახეობის ნერგი და დაითესება ბალახი. ასევე, განხორციელდება მიმდებარე ტერიტორიაზე არსებული, სიძველისა და გაუთვალისწინებელი მიზეზების გამო დაზიანებული ძეგლებისა და მემორიალური ობიექტების რეაბილიტაცია. მათ შორის ერთ-ერთი პირველია 1962 წელს განთავსებული „300 არაგველის მემორიალი." აღნიშნულ საკითხთან დაკავშირებით თბილისის მერმა კახა კალაძემ გასულ ოთხშაბათს მთავრობის სხდომაზე ისაუბრა.