,
უკრაინის პრეზიდენტმა ვოლოდიმირ ზელენსკიმ განაცხადა, რომ უკრაინელი სამხედროები მანამდე იბრძოლებენ ბახმუტისთვის, ვიდრე ეს გონივრული იქნება, მაგრამ არ აპირებენ დაიცვან ის ნებისმიერ ფასად.
„ეს არ არის განსაკუთრებით დიდი ქალაქი. ჩვენთვის მნიშვნელოვანია მისი დაცვა, მაგრამ არა ნებისმიერ ფასად და იმის ფასად, რომ ყველა დიღუპოს. ვიბრძოლებთ, ვიდრე ეს გონივრული იქნება, რუსებს უნდათ შემდეგ წინ წაიწიონ კრამატორსკამდე და სლავიანსკამდე, დონბასის საზღვრამდე და დნეპრამდე, თუ შეძლებენ. ჩვენ წინააღმდეგობას ვუწევთ, ამასთან, ვემზადებით შემდგომი კონრეშეტევისთვის“, - განაცხადა ზელენსკიმ იტალიურ გამოცემა Corriere della-თან ინტერვიუში.
მანამდე დასავლური მედია იუწყებოდა, რომ ამერიკის ადმინისტრაცია კიევს ურჩევს დრო და ძალები არ დაკარგოს ბახმუტის დასაცავად და კონცენტრაცია მოახდინოს კონტრშეტევაზე ფრონტის სხვა მონაკვეთებზე.
სააგენტო ბლუმბერგი თებერვლის დასაწყისში ამერიკელ მაღალჩინოსანზე დაყრდნობით წერდა, რომ უკრაინამ, შესაძლო,ა მალე გაიყვანოს ჯარები ბახმუტიდან.
გამოცემის წყაროს აზრით, ბახმუტიდან უკან დახევა არ აისახება ომის სტრატეგიულ ზეგავლენაზე. უკარინის ჯარი, სავარაუდოდ, ააგებს თავდაცვით ხაზებს იმ ადგილთან ახლოს, სადაც ახლა ფრონტის ხაზი გადის.
ამასთან, ომის შემსწავლელი ინსტიტუტი (ISW) გასულ კვირას იუწყებოდა, რომ ბახმუტის დაცვამ, შესაძლოა, ხელსაყრელი პირობები შექმნას უკრაინის მომავალი კონტრეშეტევისთვის. ISW-ში აღნიშნავდნენ, რომ დიდი დანაკარგების მიუხედავად, ქალაქის დაცვის გაგრძლების გადაწყვეტილება, სტარტეგიული ნაბიჯი იქნებოდა.
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
