,
ყოფილი პრემიერ-მინისტრი გიორგი გახარია გამორიცხავს, რომ მას ფარულად უსმენდნენ. საქმე ისაა, რომ Tv "პირველზე" გავრცელდა ფარული ვიდეოჩანაწერები, რომლებიც, სავარაუდოდ, შს მინისტრის მოადგილის, კახა საბანაძის კაბინეტშია ჩაწერილი.
ჟურნალისტის კითხვას - "რა რეაქცია ჰქონდა გახარიას გავრცელებულ კადრებზე", მან კითხვითვე უპასუხა: „რა რეაქცია უნდა მქონოდა?!“
დამატებით კითხვაზე - უსმენდნენ თუ არა პირადად მას, ყოფილმა პრემიერმა ასე უპასუხა: “გამოვრიცხავ“. გარდა ამისა, მისი თქმით, წარსულის ყველა კითხვას პასუხი მალე გაეცემა.
გიორგი გახარიამ თანამდებობა 18 თებერვალს დატოვა. მან თქვა, რომ ქვეყანაში მიმდინარე პოლიტიკურ პროცესებთან დაკავშირებით, რაც „ნაციონალური მოძრაობის“ თავმჯდომარე ნიკა მელიას დაკავება-არდაკავების საკითხს ეხებოდა, გუნდთან კონსენსუსს ვერ მიაღწია და პოსტიდან გადადგა.
ირანის ხელისუფლებამ შუამავლებისგან აშშ-ის სამშვიდობო შეთანხმების პუნქტების ჩამონათვალი მიიღო, რომელთა განხილვას იწყებს. ინფორმაციას BBC ავრცელებს.
„ჩვენ შუამავლების მეშვეობით აშშ-გან მივიღეთ პუნქტები და მათ განვიხილავთ“, - ციტირებს BBC ირანის საგარეო საქმეთა სამინისტროს ერთ-ერთ მაღალჩინოსანს.
როგორც ბრიტანული ტელეარხის CBS-ზე დაყრდნობით წერს, აღნიშნული წარმოადგენს მოლაპარაკებების წინა ეტაპს და ამ მომენტისთვის დიალოგი მხარეებს შორის ჯერ არ იმართება.
ცნობისთვის, გუშინ აშშ-ის პრეზიდენტმა, დონალდ ტრამპმა განაცხადა, რომ აშშ-მა და ირანმა ომის დასრულების შესახებ მოლაპარაკებები გამართეს, თუმცა ირანული მხარე ამას უარყოფს.
