,
მსოფლიოს უმსხვილესი კომპანიები ის თემაა, რომელსაც BMG განსაკუთრებით ხშირად აშუქებს, თუმცა როდესაც ამ ჩამონათვალზე ვსაუბრობთ, უმეტესწილად, ამერიკულ კომპანიებს მოვიაზრებთ, რადგან უმსხვილესი კომპანიების უმეტესობა სწორედ ამერიკის შეერთებულ შტატებშია დაფუძნებული, მათი აქციები კი უოლ-სტრიტის საფონდო ბირჟაზეა დალისტული.
ამერიკის ასეთი დომინანტურობის მიუხედავად, არ უნდა დაგვავიწყდეს, რომ განსაკუთრებული ზრდის ტენდენცია აქვს ჩინეთს, რომელიც ბოლო 30 წლის განმავლობაში მსოფლიოს რიგით მეორე უმსხვილეს ეკონომიკად იქცა და მომავალში მას პირველობაზეც აუცილებლად ექნება პრეტენზია.
ამჯერად, უმსხვილეს ჩინურ კომპანიებს მიმოვიხილავთ, ანუ იმ გიგანტებს, რომლებმაც მომავალში კონკურენცია Microsoft-ს, JPMorgan-ს, Coca-Cola-სა და Chevron-ს უნდა გაუწიონ.
ჩინეთი 300-მდე მსხვილ და 1,000-ზე მეტ საშუალო ზომის კომპანიას აერთიანებს, მათი რაოდენობა კი დროსთან ერთად იზრდება. ამჟამად საფონდო ბირჟაზე 4,000-მდე ჩინური კომპანიაა დალისტული, მათი ჯამური საბაზრო შეფასება კი 10 ტრილიონ დოლარს აღწევს. შედარებისთვის, ამერიკული კომპანიების საბაზრო შეფასება 51 ტრილიონ დოლარს აჭარბებს და მსოფლიოს 10 უმსხვილესი კომპანიიდან 8 სწორედ ამერიკაშია დაფუძნებული.
ასეთი დრამატული სხვაობის მიუხედავად, ექსპერტები ჩინეთზე დიდ იმედებს ამყარებენ, თანაც ბოლო დროს ის საქართველოს მთავარ სტრატეგიულ პარტნიორად იქცა, ამიტომაც დღეს უმსხვილესი ჩინური კომპანიების რეიტინგს გაგაცნობთ.
უმსხვილესი ჩინური კომპანიების რეიტინგი (საბაზრო შეფასების მიხედვით):
1. Tencent
კაპიტალიზაცია: $453 მლრდ
პოზიცია: #19
ინდუსტრია: ტექნოლოგიები
2. Kweichow Moutai
კაპიტალიზაცია: $285 მლრდ
პოზიცია: #34
ინდუსტრია: სასმელები
3. ICBC
კაპიტალიზაცია: $256 მლრდ
პოზიცია: #40
ინდუსტრია: ფინანსები
4. PetroChina
კაპიტალიზაცია: $239 მლრდ
პოზიცია: #45
ინდუსტრია: ენერგეტიკა
5. China Mobile
კაპიტალიზაცია: $211 მლრდ
პოზიცია: #54
ინდუსტრია: ტელეკომუნიკაცია
წყარო:https://bm.ge/
ირანისკენ კიდევ ერთი მშვენიერი არმადა მიემართება, - ამის შესახებ აშშ-ის პრეზიდენტმა, დონალდ ტრამპმა აიოვას შტატში, მხარდამჭერების წინაშე სიტყვით გამოსვლისას განაცხადა.
„ივნისში, ირანის ბირთვული პოტენციალი გავანადგურეთ. ამას ხალხი 22 წელი ელოდა. მათ ბირთვულ იარაღამდე დაახლოებით ერთი თვე აშორებდათ. ეს უნდა გაგვეკეთებინა“, - განაცხადა ტრამპმა.
დონალდ ტრამპმა იმედი გამოთქვა, რომ ირანი აშშ-სთან შეთანხმებას გააფორმებს.
„ახლა ირანისკენ კიდევ ერთი მშვენიერი არმადა მიემართება. დიდი იმედი მაქვს, რომ შეთანხმებას გააფორმებენ. შეთანხმება პირველივე ჯერზე უნდა გაეფორმებინათ“, - აღნიშნა აშშ-ის პრეზიდენტმა.
ცნობისთვის, ავიამზიდ „აბრაამ ლინკოლნის“ დამრტყმელი ჯგუფი ახლო აღმოსავლეთში ორშაბათს ჩავიდა. აშშ-ის ცენტრალურმა სარდლობამ განაცხადა, რომ დამრტყმელი ჯგუფი სამხედრო მზადყოფნის შემოწმების მიზნით წვრთნებს ჩაატარებს.
ინფორმაციისთვის, აშშ-ის პრეზიდენტის, დონალდ ტრამპის განცხადებით, ირანმა აშშ-სთან ახალი ბირთვული შეთანხმება უნდა დადოს, რომლის ფარგლებშიც თეირანი ურანის გამდიდრებას ვეღარ შეძლებს. 2025 წლის გაზაფხულზე აშშ-ის პრეზიდენტმა ირანის უზენაეს ლიდერს, აიათოლა ალი ხამენეის წერილი გაუგზავნა და მოლაპარაკებებისკენ მოუწოდა. წერილის თანახმად, დონალდ ტრამპმა ირანს ორი თვე მისცა, რათა ბირთვული პროგრამა შეეჩერებინა. 2025 წლის აპრილში, ომანში აშშ-ისა და ირანის დელეგაციებს შორის მოლაპარაკებები დაიწყო, რომელიც ივნისამდე გაგრძელდა. ირანმა ბირთვული პროგრამის შეჩერების შესახებ აშშ-ის მოთხოვნას მიუღებელი უწოდა და განაცხადა, რომ აშშ-ს ახალ წინადადებას წარუდგენდა. გასული წლის 13 ივნისს ისრაელმა ირანში რამდენიმე სამხედრო ობიექტს დაარტყა, ხოლო ისრაელის იერიშების დაწყებიდან ერთი კვირის შემდეგ, აშშ-მა ირანში ბირთვული ობიექტები დაბომბა.
