USD 2.7084
EUR 2.9337
RUB 2.9233
თბილისი
უმოკლესი და ყველაზე ეკონომიური მარშრუტი - კასპია-შავი ზღვის პროექტი მზადაა
თარიღი:  1159

კასპია-შავი ზღვის საერთაშორისო სატრანსპორტო მარშრუტის პროექტი, რომლის მონაწილე მხარეები საქართველო, აზერბაიჯანი, რუმინეთი და თურქმენეთი არიან, უკვე მზადაა. ამის შესახებ აზერბაიჯან-რუმინეთის სამთავრობათაშორისი კომისიის სხდომაზე ქვეყნის ციფრული განვითარებისა და ტრანსპორტის მინისტრის მოადგილე სამირ მამედოვმა განაცხადა, რასაც სააგენტ Trend ავრცელებს.

ამჟამად პროექტი მხარეთა განსახილველად არის წარდგენილი.

საერთაშორისო სატრანსპორტო მარშრუტის პროექტი, კასპია-შავი ზღვა 2018 წლის 24-25 ოქტომბერს, აშხაბადში გამართულ ექსპერტთა შეხვედრაზე იქნა ინიცირებული, რომელშიც ამ ოთხი ქვეყნის წარმომადგენლები მონაწილეობდნენ. მარშრუტი კასპიის ზღვის გავლით თურქმენეთიდან აზერბაიჯანამდე გადის, შემდეგ კი რკინიგზით საქართველოს შავი ზღვის პორტების მიმართულებით და იქიდან რუმინეთამდე გრძელდება.

 

პროექტის შემუშავება შავი ზღვა-კასპიის ზღვის სატრანსპორტო დერეფნის განვითარების შესახებ ბუქარესტის დეკლარაციით იქნა გათვალისწინებული, რომელსაც საქართველოს, აზერბაიჯანის, რუმინეთისა და თურქმენეთის საგარეო საქმეთა მინისტრებმა ჯერ კიდევ 2019 წლის მარტში მოაწერეს ხელი. დეკელარაციაში ხაზგასმულია ამ მარშრუტის „მნიშვნელობა დასავლეთისა და აღმოსავლეთის დამაკავშირებელ სატრანზიტო სქემაში და რომ ცენტრალურ აზიასთან ევროპის ორი ზღვით დაკავშირება არის უმოკლესი და ყველაზე ეკონომიური მარშრუტი არსებულ სატრანსპორტო ქსელებში.“

ამასთან, დეკრალაციის თანახმად, „პროექტში ევროკავშირის წევრი ქვეყნის, რუმინეთის ჩართვა ხელს შეუწყობს ამ სატრანსპორტო მარშრუტში ევროკავშირის შემდგომ აქტიურ მონაწილეობას.“

მარშრუტის განვითარების მიზნით შეიქმნება ექსპერტთა სამუშაო ჯგუფი, რომელიც ტექნიკურ ასპექტებზე შეთანხმდება, ასევე, პროცედურების ოპტიმიზაციას, ტარიფების ჰარმონიზაციასა და საბაჟო პროცედურების გამარტივებას შეუწყობს ხელს.

რუმინეთის საგარეო საქმეთა სამინისტროში აცხადებენ, რომ ქვეყანა შუა დერეფნის გასწვრივ მდებარე რეგიონებში, ანუ შავი ზღვის, კავკასიისა და ცენტრალური აზიის მასშტაბით კავშირს გააღრმავებს, რაც აზიასთან ევროპის დასაკავშირებლად მეტად მნიშვნელოვანია.

„მათი გეოგრაფიული პოზიციიდან გამომდინარე, რუმინეთის პორტი კონსტანცა და საქართველოს პორტები, ბათუმი და ფოთი მნიშვნელოვან როლს ასრულებენ რეგიონული კავშირის თვალსაზრისით, განსაკუთრებით ტრანსპორტისა და ენერგეტიკის სფეროში, ასევე, ორ სანაპირო სახელმწიფოს შორის ვაჭრობის განვითარებაში,“- განუცხადეს Trend-ს უწყებაში.

სამინისტროში, ასევე, ოპტიკურ-ბოჭკოვანი საკაბელო ხაზის მშენებლობის აუცილებლობას გაუსვეს ხაზი, რომელიც ერთმანეთთან რუმინეთსა და სამხრეთ კავკასიის ქვეყნებს დააკავშირებს. უწყების შეფასებით, „ეს საკაბელო ხაზი დადებითად აისახება რუმინეთსა და სამხრეთ კავკასიის რეგიონს შორის მონაცემთა გაცვლის განვითარებაზე.“

სამინისტროში დარწმუნებული არიან, რომ ვაჭრობის, მობილობისა და ადამიანთა შორის კონტაქტების გაფართოება ხელს შეუწყობს რეგიონულ ეკონომიკურ სტაბილურობას, სოციალურ კეთილდღეობასა და რეალური ბიზნესშესაძლებლობების გახსნას.“

 

 

სპორტი
კახა კალაძე: ეს არ არის უბრალოდ გამარჯვება, ეს თარიღი საქართველოს უახლეს ისტორიაში ოქროს ასოებით იწერება

საქართველოს ფეხბურთელთა ეროვნული ნაკრების გამარჯვების შემდეგ, საქართველოს პრემიერ-მინისტრი ირაკლი კობახიძე, თბილისის მერი კახა კალაძე და ნაკრების წევრები პირველი რესპუბლიკის მოედანზე შეკრებილ გულშემატკივრებს შეუერთდნენ და გამარჯვება მათთან ერთად აღნიშნეს.

კახა კალაძემ მადლობა გადაუხადა ეროვნულ ნაკრებს და და კიდევ ერთხელ ხაზი გაუსვა პლეიოფის ფინალში გამარჯვების განსაკუთრებულ მნიშვნელობას.

„გილოცავთ! რთულია, ვისაუბრო იმაზე, თუ რამხელა გამარჯვება მოიპოვა ჩვენმა ქვეყანამ. ეს არის ის, რასაც ათეულობით წელი ველოდებოდით. ეს არ არის უბრალოდ გამარჯვება, ეს არის ისტორიის დაწერა. საქართველოს უახლეს ისტორიაში 2024 წლის 26 მარტი ოქროს ასოებით იწერება, იმიტომ, რომ ჩვენი ეროვნული ნაკრები ითამაშებს ევროპის ჩემპიონატზე“, - განაცხადა კახა კალაძემ.

დედაქალაქის მერმა მადლობა გადაუხადა ეროვნული ნაკრების გულშემატკივარსაც.

„მადლობა ყველას, ვინც მოედანზე იმყოფებოდა, ვინც სახლიდან უყურებდა ამ თამაშს. ყოველთვის, როცა ჭირდებოდა საქართველოს ეროვნულ ნაკრებს, იდექით მის გვერდში. იყო უამრავი წაგება, იყო რთული პერიოდი, მაგრამ ყოველთვის იდექით იქ, სადაც ჭირდებოდა ქართულ ფეხბურთს, ქართულ სპორტს და ამისთვის მინდა მადლობა გითხრათ თითოეულ თქვენგანს“, - მიმართა გულშემატკივრებს კახა კალაძემ.

სრულად
გამოკითხვა
ვინ გაიმარჯვებს რუსეთ - უკრაინის ომში?
ხმის მიცემა
სხვათა შორის

მსოფლიოს ისტორიაში, უდიდესი იმპერიები ტერიტორიით(მლნ კვ. კმ): ბრიტანეთი - 35.5 მონღოლეთი - 24.0 რუსეთი - 22.8 ქინგის დინასტია (ჩინეთი) - 14.7 ესპანეთი - 13.7 ხანის დინასტია (ჩინეთი) - 12.5 საფრანგეთი - 11.5 არაბეთი - 11.1 იუანების დინასტია (ჩინეთი) - 11.0 ხიონგნუ - 9.0 ბრაზილია - 8.337 იაპონია - ~8.0 იბერიული კავშირი - 7.1 მინგის დინასტია (ჩინეთი) - 6.5 რაშიდუნების ხალიფატი (არაბეთი) - 6.4 პირველი თურქული სახანო - 6.0 ოქროს ურდო - 6.0 აქემენიანთა ირანი - 5.5 პორტუგალია - 5.5 ტანგის დინასტია (ჩინეთი) - 5.4 მაკედონია - 5.2 ოსმალეთი - 5.2 ჩრდილო იუანის დინასტია (მონღოლეთი) - 5.0 რომის იმპერია - 5.0

Ford, საავტომობილო ბაზრის დომინანტი მაშინ, როდესაც საავტომობილო ბაზარი ჯერ კიდევ ჩამოყალიბების პროცესში იყო, Ford Model T იყო დომინანტი მანქანა. 1916 წლის მონაცემებით, ის მსოფლიოში ყველა ავტომობილის 55%-ს შეადგენდა.

ილია ჭავჭავაძე: "როცა პრუსიამ წაართვა საფრანგეთს ელზასი და ლოტარინგია და პარლამენტში ჩამოვარდა საუბარი მასზედ, თუ რაგვარი მმართველობა მივცეთო ამ ახლად დაჭერილს ქვეყნებს, ბისმარკმა აი, რა სთქვა: ,,ჩვენი საქმე ელზასსა და ლოტარინგიაში თვითმმართველობის განძლიერება უნდა იყოსო. ადგილობრივნი საზოგადოების კრებანი უნდა დავაწყოთო ადგილობრივის მმართველობისთვისაო. ამ კრებათაგან უფრო უკეთ გვეცოდინება იმ ქვეყნების საჭიროება, ვიდრე პრუსიის მოხელეთაგანა. ადგილობრივთა მცხოვრებთაგან ამორჩეულნი და დაყენებულნი მოხელენი ჩვენთვის არავითარს შიშს არ მოასწავებენ. ჩვენგან დანიშნული მოხელე კი მათთვის უცხო კაცი იქნება და ერთი ურიგო რამ ქცევა უცხო კაცისა უკმაყოფილებას ჩამოაგდებს და ეგ მთავრობის განზრახვასა და სურვილს არ ეთანხმება. მე უფრო ისა მგონია, რომ მათგან ამორჩეულნი მოხელენი უფრო ცოტას გვავნებენ, ვიდრე ჩვენივე პრუსიის მოხელენი”. თუ იმისთანა კაცი, როგორც ბისმარკი, რომელიც თავისუფლების დიდი მომხრე მაინდამაინც არ არის, ისე იღვწოდა თვითმმართველობისათვის, მერე იმ ქვეყნების შესახებ, რომელთაც გერმანიის მორჩილება არამც თუ უნდოდათ, არამედ ეთაკილებოდათ, თუ ამისთანა რკინის გულისა და მარჯვენის კაცი, როგორც ბისმარკი, სხვა გზით ვერ ახერხებდა ურჩის ხალხის გულის მოგებას, თუ არ თვითმმართველობის მინიჭებითა, სხვას რაღა ეთქმის."

დედამიწაზე არსებული ცოცხალი არსებებიდან მხოლოდ ადამიანს და კოალას აქვთ თითის ანაბეჭდი

ინდოელი დიასახლისები მსოფლიო ოქროს მარაგის 11% ფლობენ. ეს უფრო მეტია, ვიდრე აშშ-ს, სავალუტო ფონდის, შვეიცარიის და გერმანიის მფლობელობაში არსებული ოქრო, ერთად აღებული.

დადგენილია, რომ სასოფლო-სამეურნეო კულტურათა მოსავლიანობის განმსაზღვრელ კომპლექსურ პირობათა შორის, ერთ-ერთი თესლის ხარისხია. მაღალხარისხოვანი ჯიშიანი თესლი ერთ-ერთი მნიშვნელოვანი ფაქტორია მოსავლიანობის გასადიდებლად, რაც აგრეთვე დასაბუთებულია ხალხური სიბრძნით "რასაც დასთეს, იმას მოიმკი". - ქართული გენეტიკისა და სელექცია–მეთესლეობის სკოლის ერთ-ერთი ფუძემდებელი, მეცნიერებათა დოქტორი, აკადემიკოსი პეტრე ნასყიდაშვილი

ებოლა, SARS-ი, ცოფი, MERS-ი, დიდი ალბათობით ახალი კორონავირუსი COVID-19-იც, ყველა ამ ვირუსული დაავადების გავრცელება ღამურას უკავშირდება.

ყველაზე დიდი ეპიდემია კაცობრიობის ისტორიაში იყო ე.წ. "ესპანკა" (H1N1), რომელსაც 1918-1919 წლებში მიახლოებით 100 მილიონი ადამიანის სიცოცხლე შეეწირა, ანუ დედამიწის მოსახლეობის 5,3 %.

იცით თუ არა, რომ მონაკოს ნაციონალური ორკესტრი უფრო დიდია, ვიდრე ქვეყნის არმია.