,
უკრაინა ზამთრის ოლიმპიური თამაშების პერიოდში, 2026 წლის 6-22 თებერვალს, რუსეთთან დროებითი ცეცხლის შეწყვეტისთვის მზად არის, - განაცხადა უკრაინის საგარეო საქმეთა სამინისტროს სპიკერმა გიორგი ტიხიმ.
მისი განცხადებით, დროებითი ზავის იდეით იტალია გამოვიდა, რასაც უკრაინაც დაეთანხმა.
„ჩვენ ასეთ მოწოდებას მხარს ვუჭერთ. მაგრამ უნდა აღვნიშნოთ, რომ რუსეთი ოლიმპიური ზავის დროს ომებს იწყებდა. რუსეთი ოლიმპიური ზავის დროს საქართველოში შეიჭრა. ოლიმპიური ზავის დროს რუსეთმა უკრაინაშიც დაიწყო შეჭრა“, - თქვა ტიხიმ.
მისი განცხადებით, რუსეთის ასეთი მოქმედება შემთხვევითი არ არის, რადგან ოლიმპიადის დროს მთელი მსოფლიოს ყურადღება სპორტულ ღონისძიებებზეა მიპყრობილი.
უკრაინის საგარეო საქმეთა სამინისტროს სპიკერმა დასძინა, რომ უკრაინა ზავისთვის მზად არის არა მხოლოდ ოლიმპიადის ჩატარების პერიოდში, არამედ ახლავე. მან გაიხსენა, რომ უკრაინის ხელისუფლება დიდი ხნის წინ დათანხმდა აშშ-ის იდეას ცეცხლის შეწყვეტის შესახებ, მაგრამ რუსეთი ამას იგნორირებას უკეთებს.
ქვეყნის მასშტაბით, სეზონური გრიპის საწინააღმდეგო ვაქცინაცია დაიწყო - აცრა, ყველა მოქალაქისთვის, უფასოდ იქნება ხელმისაწვდომი.
ჯანდაცვის სამინისტროს ცნობით, იმუნიზაციის სახელმწიფო პროგრამის ფარგლებში, საქართველომ, 200 000 დოზა ფრანგული წარმოების, ოთხკომპონენტიანი, (SANOFI WINTHROP INDUSTRIE-ის VaxigripTetra™) სეზონური გრიპის საწინააღმდეგო ვაქცინა შეიძინა, რომელიც ერთ-ერთია ჯანმოს მიერ რეკომენდებულ ვაქცინებს შორის.
„ვაქცინა მორგებულია იმ შტამებზე, რომელთა ცირკულაცია მოსალოდნელია გრიპის სეზონზე.
განსაკუთრებით მნიშვნელოვანია ვაქცინაცია მაღალი რისკის / ქრონიკული დაავადების მქონე პირებისთვის, რადგან ზოგიერთი ადამიანისთვის გრიპი შესაძლოა სახიფათო დაავადებად იქცეს.
აცრა ვაქცინაციის სერვისის მიმწოდებელ სამედიცინო დაწესებულებებსა და პოლიკლინიკებში 6 თვის ასაკიდანაა შესაძლებელი და ბენეფიციარებისთვის სრულად უფასოა”,- აღნიშნულია ინფორმაციაში.
დაწესებულებები იხილეთ ბმულზე: https://ncdc.ge/#/pages/file/87a090e3-e8de-4d08-adaf-aaf0cb8b7128
