,
სამწუხაროდ, ზოგი ფიქრობს, რომ ომი მათგან სადღაც შორს არის, თითქოს უზენაესი რადას გუმბათს ან ზოგიერთი ოფისის კედელს შეუძლია რეალობისგან დაცვა, – ამის შესახებ უკრაინის პრეზიდენტმა, ვოლოდიმირ ზელენსკიმ ყოველდღიურ მიმართვაში განაცხადა.
ვოლოდიმირ ზელენსკი გამოეხმაურა უკრაინელი დეპუტატის, მმართველი პარტიის, „ხალხის მსახურის“ წევრის, იური არისტოვის შესახებ მედიაში გავრცელებულ ინფორმაციას, რომლის მიხედვითაც, ის მალდივის ერთ-ერთ კუნძულზე შენიშნეს.
„დეპუტატებს, მოსამართლეებს, სამხედრო კომისრებს და სხვა თანამდებობის პირებს ვერავინ აპატიებს საკუთარი თავის სახელმწიფოს ოპოზიციაში ჩაყენებას. ეს ზოგისთვის – ომის დროს კუნძულებსა და კურორტებზე ყოფნას, ზოგისთვის კი სასამართლოში ქრთამის აღებას გულისხმობს. ნებისმიერი საჯარო მოხელისთვის ეს არის სახელმწიფო პრინციპების, საზოგადოების ინტერესების ღალატი“, – განაცხადა ზელენსკიმ.
იქამდე, მედიაში იური არისტოვის მალდივის კუნძულებზე ყოფნის შესახებ გავრცელდა ინფორმაცია, უკრაინელმა დეპუტატმა, მმართველი პარტიის, „ხალხის მსახურის“ წევრმა, იური არისტოვმა რადას დატოვების შესახებ განცხადება დაწერა.
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
