,
უკრაინის თავდაცვის ძალებმა ყირიმში დროებით ოკუპირებულ „გვარდეისკოეს“ აეროდრომს დაარტყეს, - ინფორმაციას უკრაინული მედია ქვეყნის შეიარაღებული ძალების გენერალურ შტაბზე დაყრდნობით ავრცელებს.
ზარალის მასშტაბი, ამ დროისთვის, უცნობია.
სამხედროების ცნობით, „გვარდეისკოე“ ყირიმში რუსეთის ერთ-ერთი მთავარი სამხედრო აეროდრომია, რომელიც გამოიყენება ოპერატიულ-ტაქტიკური და საზღვაო ავიაციის თვითმფრინავების განსათავსებლად, საბრძოლო ფრენების მხარდასაჭერად, ლოჯისტიკისა და თვითმფრინავების ტექნიკური მომსახურებისთვის.
გარდა ამისა, გენერალური შტაბის ცნობით, დონეცკის ოლქში, გუსელნიკოვოს მახლობლად, მდინარე გრუზსკი იალანჩიკზე გამავალ საავტომობილო ხიდსა და სტარომარიევკას მახლობლად, მდინარე კალმიუსზე გამავალი საავტომობილო ხიდს დაარტყეს.
გენშტაბის ცნობით, დარტყმა განახორციელეს დონეცკის, ლუგანსკის და ხერსონის ოლქებში მდებარე საბრძოლო მასალის სამ საწყობზე.
18-თვიანი მოლაპარაკებების შემდეგ დამასკომ და მოსკოვმა ხელი მოაწერეს მემორანდუმს სირიაში რუსეთის ყოფნის რეორგანიზაციის შესახებ. შეთანხმების მიხედვით სამოქალაქო ობიექტები, მათ შორის ჰამეიმიმის აეროპორტი და ტარტუსის პორტის ნავმისადგომი, სირიის მართვაში გადავა, ხოლო სამხედრო ბაზები ერთობლივ საწვრთნელ ცენტრებად გარდაიქმნება.
შეთანხმება ძალაში სამი თვის განმავლობაში შევა.
