,
ჩინეთის ქალაქ უხანში, სადაც დაახლოებით 11 მილიონი ადამიანი ცხოვრობს, კორონავირუსზე ტესტს მთელ მოსახლეობას ჩაუტარებენ, - ინფორმაციას BBC-ი ავრცელებს.
გამოცემის ცნობით, აღნიშნული გადაწყვეტილება მას შემდეგ მიიღეს, რაც ქალაქში კორონავირუსის ადგილობრივი გადაცემის შვიდი შემთხვევა გამოვლინდა, რაც ბოლო ერთ წელზე მეტი ხნის პერიოდში პირველად მოხდა. დაინფიცირების შემთხვევების ზრდას ვირუსის „დელტა“ ვარიანტის გავრცელებას უკავშირებენ.
აღსანიშნავია, რომ 2019 წელს კორონავირუსის პირველი შემთხვევა უხანში აღმოაჩინეს. ჩინეთში ბოლო 10 დღის მანძილზე კორონავირუსით დაინფიცირების 300-ზე მეტი შემთხვევა დაფიქსირდა. შემთხვევების უმეტესობა ჩინეთის აღმოსავლეთ ნაწილში - ჰენანის, ჰუბეის, ჰუნანისა და იანგშუს პროვინციებში დაფიქსირდა.
კორონავირუსის გავრცელების ახალი ტალღის შეჩერების მიზნით ჩინეთის ხელისუფლებამ რეგიონებს შორის გადაადგილებაზე გარკვეული შეზღუდვები დააწესა.
დონალდ ტრამპის განცხადებით, აშშ ირანში ხიდებსა და ელექტროსადგურებს გაანადგურებს, თუ ირანი ჰორმუზის სრუტეში გემებს თავს დაესხმება.
„ამ მომენტიდან ყოველ ჯერზე, როდესაც ირანის ისლამური რესპუბლიკა რაკეტით, დრონით ან სხვა იარაღით ჰორმუზის სრუტეში გემს დაარტყამს, ამერიკის შეერთებული შტატები დაბომბავს და გაანადგურებს ერთ ხიდს ან ელექტროსადგურს“, - წერს ტრამპი Truth Social-ზე.
ტრამპის თქმით, აშშ ირანის დედაქალაქ თეირანში და მის სიახლოვეს მდებარე ხიდებსა და ელექტროსადგურებსაც დაარტყამს.
