,
მასშტაბური კამპანია საქართველოს პოპულარიზაციისთვის, ტურიზმის ეროვნული ადმინისტრაციის ორგანიზებით, პირველად საქართველოში, თბილისში, საერთაშორისო ციფრული კონფერენცია TRAVERSE გაიმართება. ღონისძიების ფარგლებში 30 იანვრიდან 10 თებერვლის ჩათვლით საქართველოს 180-მდე ინფლუენსერი ეწვევა დიდი ბრიტანეთიდან, აშშ-დან, გერმანიიდან, პოლონეთიდან, ესპანეთიდან, საფრანგეთიდან და სხვა ქვეყნებიდან.
მსოფლიოში ცნობილ მოგზაურ ბლოგერებს სოციალურ ქსელებში მილიონობით გამომწერი ჰყავთ.
კონფერენციის განმავლობაში წარმატებული ინფლუენსერები მონაწილეებს მსოფლიო ტრენდების შესახებ ინფორმაციას და გამოცდილებას გაუზიარებენ. სპიკერებს შორის არიან: გავინ რამაჯუნი BBC-ის წამყვანი, რიჩ მაკკორი Instagram ბლოგერი, ტობა ქერიჯი Youtube-ის ბლოგერი და სხვ.
“საქართველო პირველად უმასპინძლებს ბრიტანულ ციფრულ კონფერენციას, რომელიც 2013 წელს დიდ ბრიტანეთში დაარსდა და მას შემდეგ მსოფლიოს 12 ქვეყანაში გაიმართა. TRAVERSE-ის კლუბში გაწევრიანებულია 500-მდე ინფლუენსერი და ბლოგერი ძირითადად ევროპიდან. საქართველოს 200-მდე ინფლუენსერი და ბლოგერი ეწვევა. საქართველოში ჩამოვლენ ისეთი ბლოგერები, რომლებსაც სოციალურ ქსელებში მილიონობით გამომწერი ჰყავთ. ისინი მოივლიან საქართველოს, გაეცნობიან ტურისტულ პროდუქტებს. ვფიქრობ ეს კონფერენცია ძალიან წარმატებული იქნება და მოგვიანებით ჩვენ შევძლებთ თვალი ვადევნოთ თუ რას დაწერენ ინფლუენსერები საქართველოს შესახებ საერთაშორისო მედია პლატფორმებზე“,-განაცხადა მაია ომიაძემ.
ციფრული კონფერენცია TRAVERSE-ის ფარგლებში ინფლუენსერები თბილისში, მესტიაში, გუდაურში და სხვა ადგილებში იმოგზაურებენ, გაეცნობიან ზამთრის კურორტებს, ტურისტულ პროდუქტებს, ქართულ სამზარეულოსა და ღვინოს.
ინფლუენსერები სოციალურ ქსელებში ბლოგებს, პოსტებსა და სთორებს მოამზადებენ, რომელსაც ათობით მილიონი მომხმარებელი გაეცნობა, რაც ხელს შეუწყობს საქართველოს პოპულარიზაციას საერთაშორისო ტურისტულ ბაზრებზე.
კონფერენციის გამართვამდე ორგანიზატორები თბილისს ეწვივნენ და ღონისძიების დეტალებს გაეცნენ, ასევე დაათვალიერეს ინფრასტრუქტურა.
„იანვრის ბოლოს თბილისსა და საქართველოს სხვადასხვა კუთხეს 200-მდე ბლოგერი ეწვევა, გაიმართება კონფერენცია, მოეწყობა ვორქშოფები, მონაწილეებს ექსპერტები გამოცდილებას გაუზიარებენ. პირველად ვარ საქართველოში და განსაკუთრებით მომეწონა ქართული კერძები და ღვინო. ინფლუენსერები, რომლებიც საქართველოს ეწვევიან თქვენი ქვეყნის შესახებ შექმნიან ისტორიებს. ვფიქრობ აუდიტორიისთვის პოზიტიური გამოცდილების გაზიარებით ყველაზე კარგ კამპანიას ქმნი. ინფლუენსერები, რომლებიც ჩვენ ჩამოგვყავს საოცარი გამოცდილება აქვთ, მათ მიერ შექმნილი მასალა სხვადასხვა პლატფორმებით გავრცელდება, რაც ძალიან დიდ სარგებელს მოუტანს საქართველოს. ეს იქნება YouTube, Instagram, Tik Tok, ასევე ციფრული და ბეჭდური მედია საშუალებები. საქართველო საუკეთესო ადგილი მთელ მსოფლიოში ადამიანებს გავაცნოთ და მოგზაურობის სურვილი გავუჩინოთ, რომ აღმოაჩინონ ახალი ტურისტული ადგილები საქართველოში“,-აცხადებს TRAVERSE-ის კონფერენციის ორგანიზატორი მაიკლ ბოლი.
ლონდონში დაფუძნებული TRAVERSE ეხმარება გლობალურ ბრენდებსა და ტურისტულ ჰაბებს ციფრული პროექტების განვითარებაში, კონფერენციებში მონაწილეობას იღებენ როგორც დამწყები, ასევე პროფესიონალი ინფლუენსერები (ბლოგერები, YouTubers, Instagrammers, Tik Tokers და ვიდეოგრაფები და ა.შ).
გლობალური ფინანსური ქსოვილი სხვადასხვა ტიპის კომპანიების ურთიერთქმედებაზე დგას. ფინანსურ ეკოსისტემაში ვხვდებით, როგორც ბანკებს, ასევე ნეობანკებს და ფინტექ-კომპანიებს, საპენსიო ფონდებს, საგადახდო სერვისების მიმწოდებელ ორგანიზაციებს, კერძო კაპიტალის მმართველებს, ჰეჯ-ფონდებსა და აქტივების მმართველ კომპანიებს. აი, სწორედ ამ ბოლო კატეგორიას განეკუთვნება ამერიკული BlackRock-ი, რომელიც სხვა ადამიანებისა და კომპანიების აქტივებს მართავს, ანუ მარტივად რომ ვთქვათ, ინვესტიციას მათ ნაცვლად დებს. გამართული ბიზნესმოდელის გარდა, ამერიკულ კორპორაციას მაღალი რეპუტაცია, ინვესტორებისთვის ფინანსური სარგებლის გენერირების დეკადების განმავლობაში დამტკიცებული შედეგები და პლანეტარული მასშტაბის კავშირები გამოარჩევს.
ამ ყველაფრის დამსახურებით, BlackRock-ი პლანეტის უდიდეს აქტივების მმართველ კომპანიად იქცა, რომლის პორტფელი, ბოლო შედეგებით, $10.5 ტრილიონად იყო შეფასებული. 2024 წლის პირველი კვარტალის ფინანსური ანგარიშის თანახმად, გასულ ერთ წელიწადში, ამერიკულმა კორპორაციამ აქტივების ზომა $1.4 ტრილიონით გაზარდა. ამ თანხის მასშტაბს რომ მიხვდეთ, გეტყვით, რომ მექსიკის მთლიანი შიდა პროდუქტი სწორედ $1.4 ტრილიონია, როცა ესპანეთის, ინდონეზიის და საუდის არაბეთის - ნაკლები. თუმცა BlackRock-ის ჯამური აქტივების ზომა უფრო შთამბეჭდავია, რადგან ამ მაჩვენებელს ქვეყნების მშპ-სთან თუ შევაფარდებთ, აღმოვაჩენთ, რომ მას მხოლოდ ამერიკის შეერთებული შტატები და ჩინეთი უსწრებს.
რა შემოსავალს და წმინდა მოგებას აგენერირებს BlackRock-ი $10.5 ტრილიონად შეფასებული აქტივების მართვით?
2024 წლის I კვარტალში, BlackRock-მა $4.7 მილიარდის შემოსავალი მიიღო, რაც 11%-ით მეტია, ვიდრე შარშან. შემოსავალთან ერთად, ბოლო პერიოდში მკვეთრად, კერძოდ 36%-ითაა გაზრდილი კომპანიის წმინდა მოგება, რომელმაც მიმდინარე წლის პირველ სამ თვეში $1.5 მილიარდი შეადგინა. აღნიშნულ მაჩვენებლებს, უმეტესწილად, ის ფინანსური ინსტრუმენტები აგენერირებენ, რომელთაც BlackRock-ის პორტფელში ვხვდებით - აქ იგულისხმება, როგორც კომპანიების კაპიტალი, ანუ აქციები, ასევე ფიზიკური აქტივები, მათ შორის უძრავი ქონება.
აქციების კუთხით, BlackRock-ის აქტივებს შორის ყველაზე დიდი წილი მსოფლიოს უდიდეს ტექნოლოგიურ, ფარმაკოლოგიურ და ფინანსურ კომპანიებზე მოდის. BlackRock-ის აქციების პორტფელის ათი უდიდესი პოზიცია კი, შემდეგნაირად გამოიყურება:
#1 - Microsoft - $229.7 მილიარდად შეფასებული 542.02 მილიონი აქცია (BlackRock-ის პორტფელის 5.37%)
#2 - Apple - $178.4 მილიარდად შეფასებული 1.04 მილიარდი აქცია (BlackRock-ის პორტფელის 4.17%)
#3 - NVIDIA - $164.66 მილიარდად შეფასებული 182.42 მილიონი აქცია (BlackRock-ის პორტფელის 3.85%)
#4- Amazon - $115.18 მილიარდად შეფასებული 638.54 მილიონი აქცია (BlackRock-ის პორტფელის 2.69%)
#5 - META - $77.18 მილიარდად შეფასებული 158.94 მილიონი აქცია (BlackRock-ის პორტფელის 1.8%)
#6 - Alphabet (Class A) - $62.77 მილიარდად შეფასებული 415.9 მილიონი აქცია (BlackRock-ის პორტფელის 1.47%)
#7 - Alphabet (Class C) - $54.11 მილიარდად შეფასებული 355.37 მილიონი აქცია (BlackRock-ის პორტფელის 1.27%)
#8 - Eli Lilly - $50.78 მილიარდად შეფასებული 65.27 მილიონი აქცია (BlackRock-ის პორტფელის 1.19%)
#9 - Broadcom - $46.27 მილიარდად შეფასებული 34.91 მილიონი აქცია (BlackRock-ის პორტფელის 1.08%)
#10 - Berkshire Hathaway (Class B) - $45.21 მილიარდად შეფასებული 107.51 მილიონი აქცია (BlackRock-ის პორტფელის 1.06%)
წყარო:https://bm.ge/
