,
წყარო:https://bm.ge/
კომპანია „თელავის ღვინის მარნის“ დამფუძნებლის ზურაბ რამაზაშვილის თქმით, წლევანდელი რთველზე მთავარი გამოწვევა ყურძნის ხარისხია. „საქმიანი დილის“ ეთერში საუბრისას რამაზაშვილმა აღნიშნა, რომ ცუდი კლიმატური პირობების გამო რაოდენობრივად წლევანდელ სეზონზე 40%-ით ნაკლები ყურძენი დაიკრიფება.
მისივე შეფასებით, ყურძნის ჩაბარების პროცესი ხარვეზების გარეშე, გამართულად მიმდინარეობს.
„წლევანდელი რთველის მთავარი გამოწვევა ყურძნის ხარისხია. საოცრად ცუდი წელია. სტატისტიკურად რომ ვადარებთ, იმაზე ვფიქრობთ, მსგავსი წელი ჩვენი მუშაობის 25 წლიანი ისტორიის განმავლობაში როდისმე არსებობდა თუ არა.
მე არ მახსენდება ამდაგვარი წელი, როდესაც ყველაფერი ერთად დაატყდა თავს მევენახეს. ეს იყო ცუდი კლიმატი, მაღალი ტენიანობით, ხშირი წვიმით, საკმაოდ დიდი დაზიანებაა როგორც ჭრაქით, ისე ნაცრით. ამას შემდეგ მოჰყვა რამდენიმე სეტყვა, რომელმაც გარკვეული პერიოდულობით დააზიანა მოსავალი, ასე რომ წლევანდელ სეზონზე მთავარი გამოწვევა არის ყურძნის ხარისხი. რაოდენობრივად მოსავალი თავისთავად შემცირებულია. ვფიქრობთ, საერთო მოსავალს 40% მაინც დააკლდება. რაც შეეხება ჩაბარების ფასს, ყურძნის ფასი ხარისხის მიხედვით თეთრი ყურძნის შემთხვევაში 0.90-დან 1,15 ლარამდე ლავირებს. საფერავი შედარებით ძვირია და 1,50-1,55 ლარის ფარგლებშია.
თავად ჩაბარების პროცესი, სისტემა საკმაოდ გამართულია, ხარვეზები თითქმის არ არის ყველგან არის მონიტორინგის ჯგუფი და სრული მონიტორინგი ხორციელდება როგორც რაოდენობის, ისე ხარისხის.“ - განაცხადა ზურაბ რამაზაშვილმა.
დონალდ ტრამპის განცხადებით, აშშ ირანში ხიდებსა და ელექტროსადგურებს გაანადგურებს, თუ ირანი ჰორმუზის სრუტეში გემებს თავს დაესხმება.
„ამ მომენტიდან ყოველ ჯერზე, როდესაც ირანის ისლამური რესპუბლიკა რაკეტით, დრონით ან სხვა იარაღით ჰორმუზის სრუტეში გემს დაარტყამს, ამერიკის შეერთებული შტატები დაბომბავს და გაანადგურებს ერთ ხიდს ან ელექტროსადგურს“, - წერს ტრამპი Truth Social-ზე.
ტრამპის თქმით, აშშ ირანის დედაქალაქ თეირანში და მის სიახლოვეს მდებარე ხიდებსა და ელექტროსადგურებსაც დაარტყამს.
