მოლდოვაში, საპრეზიდენტო არჩევნების მეორე ტურში, ხმათა 98%-ის დათვლის შემდეგ ქვეყნის მოქმედი პროევროპელი პრეზიდენტი მაია სანდუ ლიდერობს. მას ხმა ამომრჩეველთა 54,97%-მა მისცა. სანდუ კონკურენტს, ალექსანდრ სტოიანოგლოს მხარი 45,03%-მა დაუჭირა. ამომრჩევლის აქტივობამ 54% შეადგინა.

მოლდოვაში ხმების წინასწარი დათვლის შემდეგ სტოიანოგლო ლიდერობდა, რომელმაც საარჩევნო უბნების დახურვის შემდეგ ამომრჩეველს მოლდოვურ და რუსულ ენებზე მიმართა. სანდუმ ლიდერობის მოპოვება დედაქალაქსა და საზღვარგარეთ გახსნილ საარჩევნო უბნებზე გამარჯვებით მოიპოვა.

პრეზიდენტის მრჩეველმა უსაფრთხოების საკითხებში კენჭისყრის მიმდინარეობისას განაცხადა, რომ საარჩევნო პროცესში რუსეთის მხრიდან მასიური ჩარევა ხდებოდა, რომელსაც, მისივე სიტყვებით, შედეგის დამახინჯების მაღალი პოტენციალი ჰქონდა.