,
საქართველოში უცხოელი ვიზიტორების დანახარჯები მზარდია. საქსტატის მონაცემები აჩვენებს, რომ მიმდინარე წლის 9 თვეში საქართველოში არარეზიდენტი ვიზიტორების მიერ განხორციელებული ვიზიტებისას გაწეული ხარჯები 11.3 მილიარდ ლარს შეადგენს, რაც გასული წლის ანალოგიური პერიოდის მაჩვენებელს 11%-ით აჭარბებს.
უცხოელი ვიზიტორების დანახარჯები განსაკუთრებით მაღალი იყო III კვარტალში და 5.7 მილიარდი ლარი შეადგინა, რაც წლიურად 18.1%-ით გაზრდილი მაჩვენებელია და ამასთან, კვარტალის ჭრილში რეკორდულ შედეგს წარმოადგენს.
უფრო დეტალურად, კვარტალების მიხედვით, არარეზიდენტი ვიზიტორების დანახარჯები ასე ნაწილდება:
შეგახსენებთ, 2023 წელს საქართველომ ვიზიტორებისგან 12.9 მილიარდ ლარამდე შემოსავალი მიიღო, რაც 20.5%-ით აჭარბებდა 2022 წლის მაჩვენებელს.
მიმდინარე წელს მთავრობა ტურიზმიდან 4.5 მლრდ აშშ დოლარის მიღებას ელის.
ქვეყნის მასშტაბით, სეზონური გრიპის საწინააღმდეგო ვაქცინაცია დაიწყო - აცრა, ყველა მოქალაქისთვის, უფასოდ იქნება ხელმისაწვდომი.
ჯანდაცვის სამინისტროს ცნობით, იმუნიზაციის სახელმწიფო პროგრამის ფარგლებში, საქართველომ, 200 000 დოზა ფრანგული წარმოების, ოთხკომპონენტიანი, (SANOFI WINTHROP INDUSTRIE-ის VaxigripTetra™) სეზონური გრიპის საწინააღმდეგო ვაქცინა შეიძინა, რომელიც ერთ-ერთია ჯანმოს მიერ რეკომენდებულ ვაქცინებს შორის.
„ვაქცინა მორგებულია იმ შტამებზე, რომელთა ცირკულაცია მოსალოდნელია გრიპის სეზონზე.
განსაკუთრებით მნიშვნელოვანია ვაქცინაცია მაღალი რისკის / ქრონიკული დაავადების მქონე პირებისთვის, რადგან ზოგიერთი ადამიანისთვის გრიპი შესაძლოა სახიფათო დაავადებად იქცეს.
აცრა ვაქცინაციის სერვისის მიმწოდებელ სამედიცინო დაწესებულებებსა და პოლიკლინიკებში 6 თვის ასაკიდანაა შესაძლებელი და ბენეფიციარებისთვის სრულად უფასოა”,- აღნიშნულია ინფორმაციაში.
დაწესებულებები იხილეთ ბმულზე: https://ncdc.ge/#/pages/file/87a090e3-e8de-4d08-adaf-aaf0cb8b7128
