წალენჯიხაში ლიტერატურული ფესტივალი „გრანელი“ მიმდინარეობს.
ფესტივალის ფარგლებში წალენჯიხას 30 ავტორი ეწვია, მათ შორის ეთერ თათარაიძე, გიორგი კეკელიძე, ზურა ჯიშკარიანი, ლუკა ბაქანიძე, ეკატერინე ტოგონიძე, რაულ ჩილაჩავა და სხვა.
ორი დღის განმავლობაში, გრანელის პარკში 20-მდე ღონისძიება იმართება, მათ შორის ახალი წიგნების პრეზენტაციები, შეხვედრები ავტორებთან, დისკუსიები, საგამომცემლო პროექტების წარდგენა და სხვა.
ფესტივალის ფარგლებში გამომცემლობები ადგილობრივ მკითხველებსა და სტუმრებს საფესტივალო ფასდაკლებებს სთავაზობენ.
პროექტი წალენჯიხის განვითარების ფონდის და მამუკა ხაზარაძის მხარდაჭერით ხორციელდება. წელს „გრანელი“ წალენჯიხაში უკვე მეორედ ტარდება.
