ტრამპს არ სჯერა რუსეთის ფედერაციის განცხადებების პუტინის რეზიდენციაზე უკრაინის შეიარაღებული ძალების მიერ განხორციელებული დარტყმის შესახებ. შესაბამისი განცხადება აშშ-ის ლიდერმა საპრეზიდენტო თვითმფრინავის ბორტზე მედიასთან საუბრისას გააკეთა.

ერთ-ერთმა ჟურნალისტმა ტრამპს შეახსენა, რომ ის „ძალიან გაბრაზებული“ იყო პუტინის რეზიდენციაზე უკრაინის შეიარაღებული ძალების დარტყმის შესახებ გავრცელებული ცნობების გამო.

„მე არ მჯერა, რომ ეს დარტყმა განხორციელდა“, - გააწყვეტინა ჟურნალისტს ტრამპმა.

დამაზუსტებელ კითხვაზე, თუ რატომ გამოთქვა აშშ-ის პრეზიდენტმა ასეთი მოსაზრება თავდასხმისთანავე, ტრამპმა უპასუხა: „იმიტომ, რომ იმ მომენტში არავინ არაფერი იცოდა. ეს იყო პირველი, რაც ამის შესახებ გავიგე. პუტინმა თქვა, რომ მის სახლს დაესხნენ თავს. ჩვენ ამის არ დავიჯერეთ, როდესაც ინფორმაცია გადავამოწმეთ, მაგრამ მაშინ ეს იყო პირველი, რაც საერთოდ მოვისმინეთ ამის შესახებ“.

მოსკოვის განცხადებები პუტინის რეზიდენციაზე უკრაინის შეიარაღებული ძალების თავდასხმის მცდელობის შესახებ იმ დროს გაჟღერდა, როდესაც უკრაინის პრეზიდენტი ვოლოდიმირ ზელენსკი ვიზიტით იმყოფებოდა აშშ-ში, სადაც ტრამპთან უკრაინის სამშვიდობო გეგმას განიხილავდა.