ტრამპმა ჩინურ საქონელზე ტარიფების შემცირება დააანონსა, თუმცა არა ნულამდე.
აშშ-ის პრეზიდენტმა განაცხადა, რომ ჩინეთიდან იმპორტირებულ პროდუქციაზე დაწესებული ტარიფები „მნიშვნელოვნად შემცირდება“, თუმცა ისინი მთლიანად არ გაუქმდება. ტრამპმა აღიარა, რომ მოქმედი 145%-იანი ტარიფები ზედმეტად მაღალია.
ეს განცხადება მოჰყვა ფინანსთა მინისტრ სკოტ ბესენტის სიტყვებს, რომელმაც სავაჭრო ომის დეესკალაციის აუცილებლობაზე ისაუბრა. აშშ-ისა და აზიის ბაზრები დადებითად გამოეხმაურნენ ამ განცხადებებს, ხოლო პეკინმა თანაბარ პირობებზე თანამშრომლობისკენ მოუწოდა ვაშინგტონს.
