,
ვფიქრობ, პრეზიდენტ პუტინსა და პრეზიდენტ ზელენსკის შეხვედრა მოუწევთ, - ასე უპასუხა აშშ-ის პრეზიდენტმა, დონალდ ტრამპმა ჟურნალისტის კითხვაზე, მიიჩნევს თუ არა ვლადიმირ პუტინს დიქტატორად.
კითხვაზე - თქვენ ზელენსკის დიქტატორი უწოდეთ. როგორ ფიქრობთ, პუტინიც დიქტატორია? - დონალდ ტრამპმა უპასუხა:
ვფიქრობ, პრეზიდენტ პუტინსა და პრეზიდენტ ზელენსკის შეხვედრა მოუწევთ. ჩვენ გვინდა შევაჩეროთ მილიონობით ადამიანის სიკვდილი. მე მინდა ვიხილო ცეცხლის შეწყვეტა და მინდა შეთანხმება შედგეს. ვფიქრობ, გვაქვს შანსი, რომ შეთანხმება შედგეს. ეს არის ომი, რომელიც არასდროს მოხდებოდა, მე რომ პრეზიდენტი ვყოფილიყავი, მაგრამ ეს მოხდა. მსურს მკვლელობის შეჩერება. თქვენ იცით, რომ ეს [ომი] დიდად არ მოქმედებს შეერთებულ შტატებზე, ეს ომი გავლენას ახდენს ევროპაზე.
ირანის ხელისუფლებამ შუამავლებისგან აშშ-ის სამშვიდობო შეთანხმების პუნქტების ჩამონათვალი მიიღო, რომელთა განხილვას იწყებს. ინფორმაციას BBC ავრცელებს.
„ჩვენ შუამავლების მეშვეობით აშშ-გან მივიღეთ პუნქტები და მათ განვიხილავთ“, - ციტირებს BBC ირანის საგარეო საქმეთა სამინისტროს ერთ-ერთ მაღალჩინოსანს.
როგორც ბრიტანული ტელეარხის CBS-ზე დაყრდნობით წერს, აღნიშნული წარმოადგენს მოლაპარაკებების წინა ეტაპს და ამ მომენტისთვის დიალოგი მხარეებს შორის ჯერ არ იმართება.
ცნობისთვის, გუშინ აშშ-ის პრეზიდენტმა, დონალდ ტრამპმა განაცხადა, რომ აშშ-მა და ირანმა ომის დასრულების შესახებ მოლაპარაკებები გამართეს, თუმცა ირანული მხარე ამას უარყოფს.
