,
შეერთებული შტატების ლიდერმა ცოტა ხნის წინ ხელი მოაწერა საპრეზიდენტო განკარგულებას სოციალური ქსელების წინააღმდეგ. განკარგულება აღმასრულებელი შტოს სააგენტოებს უბრძანებს, რომ დაავალონ დამოუკიდებელ მარეგულირებელ სააგენტოებს, მათ შორის კომუნიკაციების ფედერალურ კომისიას და ფედერალურ სავაჭრო კომისიას, შეისწავლონ აღნიშნული საკითხი. კერძოდ, მათ უნდა გაარკვიონ, შეუძლიათ თუ არა ტექნოლოგიური კომპანიებისთვის ახალი რეგულაციების დაწესება.
ექსპერტები ეჭვობენ, რომ მსგავსი გადაწყვეტილებების მიღება კონგრესის გარეშე საერთოდ შესაძლებელი იყოს. ანალიტიკოსების აზრით, პრეზიდენტის გადაწყვეტილება უფრო პოლიტიკურია, ვიდრე არსობრივი. ტრამპს სავარაუდოდ, სჭირდება თანამოაზრეების და მომხრეების მხარდაჭერის მობილიზება მას შემდეგ, რაც სამშაბათს "ტვიტერზე" მოხდა.
სამშაბათს "ტვიტერმა" ტრამპის განცხადებებს ფაქტების გადამოწმების გაფრთხილების იარლიყი მიამაგრა. მსგავსი მეთოდით სოციალური მედიის პლატფორმა არასწორი ინფორმაციის გავრცელებას ებრძვის. ტრამპმა "ტვიტერი" არჩევნებში ჩარევაში დაადანაშაულა და დაემუქრა სოციალურ ქსელებს იმით, რომ ეს ძვირი დაუჯდებათ.
პრეზიდენტი ტრამპი ფიქრობს, რომ "ტვიტერის" ქმედება სოციალური ქსელის "სარედაქციო გადაწყვეტილებაა" და პოლიტიკური აქტივიზმის ტოლფასია. თავის მომხრეებთან ერთად, პრეზიდენტი სილიკონის დაბლობის ტექნოლოგიურ გიგანტებს ლიბერალურ მიკერძოებულობაში ადანაშაულებს.
წყარო: amerikiskhma.com
18-თვიანი მოლაპარაკებების შემდეგ დამასკომ და მოსკოვმა ხელი მოაწერეს მემორანდუმს სირიაში რუსეთის ყოფნის რეორგანიზაციის შესახებ. შეთანხმების მიხედვით სამოქალაქო ობიექტები, მათ შორის ჰამეიმიმის აეროპორტი და ტარტუსის პორტის ნავმისადგომი, სირიის მართვაში გადავა, ხოლო სამხედრო ბაზები ერთობლივ საწვრთნელ ცენტრებად გარდაიქმნება.
შეთანხმება ძალაში სამი თვის განმავლობაში შევა.
