,
აშშ-ის არჩეულმა პრეზიდენტმა, დონალდ ტრამპმა განაცხადა, რომ იგი ესაუბრა ჩინეთის ლიდერს, სი ძინპინს თავისი წარმომადგენლების მეშვეობით და რომ მას სჯერა ჩინეთის ლიდერთან შემდგომი ურთიერთგაგების. ინფორმაციას ამის შესახებ სააგენტო Reuters-ი ავრცელებს.
„ჩვენ უკვე ვისაუბრეთ. ჩვენ ვისაუბრეთ ჩვენი წარმომადგენლების მეშვეობით“, - აღნიშნა დონალდ ტრამპმა.
ტრამპმა აღწერა ჩინეთის ლიდერი, როგორც „ძლიერი და ძლევამოსილი ადამიანი, რომელსაც ჩინეთში პატივს სცემენ“.
„და ვფიქრობ, ჩვენ ალბათ ძალიან კარგად გავუგებთ ერთმანეთს. მაგრამ თქვენ იცით, რომ ეს უნდა იყოს ქუჩა ორმხრივი მოძრაობით“, - დასძინა მან.
ირანის ხელისუფლებამ შუამავლებისგან აშშ-ის სამშვიდობო შეთანხმების პუნქტების ჩამონათვალი მიიღო, რომელთა განხილვას იწყებს. ინფორმაციას BBC ავრცელებს.
„ჩვენ შუამავლების მეშვეობით აშშ-გან მივიღეთ პუნქტები და მათ განვიხილავთ“, - ციტირებს BBC ირანის საგარეო საქმეთა სამინისტროს ერთ-ერთ მაღალჩინოსანს.
როგორც ბრიტანული ტელეარხის CBS-ზე დაყრდნობით წერს, აღნიშნული წარმოადგენს მოლაპარაკებების წინა ეტაპს და ამ მომენტისთვის დიალოგი მხარეებს შორის ჯერ არ იმართება.
ცნობისთვის, გუშინ აშშ-ის პრეზიდენტმა, დონალდ ტრამპმა განაცხადა, რომ აშშ-მა და ირანმა ომის დასრულების შესახებ მოლაპარაკებები გამართეს, თუმცა ირანული მხარე ამას უარყოფს.
