,
აშშ-ის პრეზიდენტმა, დონალდ ტრამპმა POLITICO-სთან ექსკლუზიურ საუბარში საკუთარი თავი უკრაინასა და რუსეთს შორის ნებისმიერი სამშვიდობო შეთანხმების უმაღლეს არბიტრად წარმოაჩინა.
„მას [ზელენსკის] არაფერი აქვს, ვიდრე მე არ დავამტკიცებ. ასე რომ, ვნახოთ, რა აქვს მას წარმოსადგენი“, - აღნიშნა აშშ-ის პრეზიდენტმა.
მოსალოდნელია, რომ უკრაინის პრეზიდენტი, ვოლოდიმირ ზელენსკი კვირას ფლორიდაში ტრამპს შეხვდება. მან ჟურნალისტებს განუცხადა, რომ თან ჩააქვს ახალი 20-პუნქტიანი სამშვიდობო გეგმა.
18-თვიანი მოლაპარაკებების შემდეგ დამასკომ და მოსკოვმა ხელი მოაწერეს მემორანდუმს სირიაში რუსეთის ყოფნის რეორგანიზაციის შესახებ. შეთანხმების მიხედვით სამოქალაქო ობიექტები, მათ შორის ჰამეიმიმის აეროპორტი და ტარტუსის პორტის ნავმისადგომი, სირიის მართვაში გადავა, ხოლო სამხედრო ბაზები ერთობლივ საწვრთნელ ცენტრებად გარდაიქმნება.
შეთანხმება ძალაში სამი თვის განმავლობაში შევა.
