,
აშშ-ის პრეზიდენტმა, დონალდ ტრამპმა რუსეთის პრეზიდენტი, ვლადიმირ პუტინი უკრაინაში ომის გაჭიანურების გამო გააკრიტიკა და იმედგაცრუება გამოხატა.
მისი თქმით, მას ეგონა, რომ პუტინი კონფლიქტს გაცილებით მოკლე დროში დაასრულებდა.
„მე ძალიან იმედგაცრუებული ვარ პუტინით. მეგონა, რომ ამ საქმეს მალე მოაგვარებდა. მას ეს ომი ერთ კვირაში უნდა დაამთავრებინა. მე ვუთხარი პუტინს: შენ კარგად არ გამოიყურები. უკვე 4 წელია ომს აწარმოებ, რომელსაც ერთი კვირა უნდა დასჭირვებოდა. ქაღალდის ვეფხვი ხომ არ ხარ?“ - აღნიშნა დონალდ ტრამპმა.
მისი თქმით, ის პუტინს ალასკაზე შეხვდა და მათი შეხვედრა „კარგი“ იყო, თუმცა, ამ შეხვედრის შემდეგ რუსეთის ლიდერმა კვლავ განაახლა კიევში დრონების გაგზავნა.
შემდეგ ტრამპმა აღნიშნა, რომ რუსეთის მუქარის საპასუხოდ, მან ორი ატომური წყალქვეშა ნავი გაგზავნა რუსეთის ნაპირებთან.
"რუსეთი ცოტა ხნის წინ ჩვენ ოდნავ დაგვემუქრა. და მე ატომური წყალქვეშა ნავები გავაგზავნე - ყველაზე მომაკვდინებელი იარაღი, რაც კი ოდესმე შექმნილა. მე ეს გავაკეთე სიტყვა "ბირთვულის" მოხსენიების გამო. ეს დებილი ადამიანი [მედვედევზე ამბობს] იყო, რომელიც პუტინზე მუშაობს, და მე 2 წყალქვეშა ნავი გავგზავნე რუსეთის ნაპირებთან, თავი დავიზღვიეთ. ჩვენ არ შეგვიძლია ვინმეს უფლება მივცეთ, ეს სიტყვა ჰაერზე ისროლოს." - განაცხადა ტრამპმა.
უკრაინის პრეზიდენტი ვოლოდიმირ ზელენსკი ევროპის პოლიტიკური გაერთიანების სამიტზე დასასწრებად სომხეთის დედაქალაქ ერევანში ჩავიდა, - ინფორმაციას უკრაინული მედია პრეზიდენტის პრესსპიკერზე სერგეი ნიკიფოროვზე დაყრდნობით ავრცელებს.
ნიკიფოროვის განცხადებით, იგეგმება უკრაინის პრეზიდენტის შეხვედრა ნორვეგიის, ფინეთის, გაერთიანებული სამეფოს და ჩეხეთის პრემიერ-მინისტრებთან.
პრეზიდენტის პრესსპიკერის თქმით, სამიტი ორდღიანია და შესაბამისად, ორმხრივი და მრავალმხრივი შეხვედრები ღონისძიების მეორე დღესაც გაგრძელდება.
