,
ომი დასრულდება, როდის დასრულდება, ამას ვერ გეტყვით, მაგრამ ომი დასრულდება - პუტინს მისი დასრულება სურს, - განაცხადა აშშ-ის პრეზიდენტმა, დონალდ ტრამპმა უკრაინის ლიდერთან შეხვედრაზე.
აშშ-ის ლიდერმა ასევე ისაუბრა უკრაინისათვის უსაფრთხოების გარანტიებზე და აღნიშნა, რომ „ჩვენ უსაფრთხოების გარანტიებზე ვისაუბრეთ და ევროპა უკრაინის თავდაცვის პირველი ხაზი იქნება და ჩვენც მივიღებთ მასში მონაწილეობას“.
„მე, ზელენსკის და პუტინს ყველას გვსურს, რომ ეს დასრულდეს“, - განაცხადა მან.
„ჩვენ ვითანამშრომლებთ უკრაინასთან, ვითანამშრომლებთ ყველასთან და დავრწმუნდებით, რომ თუ მშვიდობა იქნება, ეს მშვიდობა გრძელვადიანი იქნება... ჩვენ არ ვსაუბრობთ 2-წლიან მშვიდობაზე, რის შემდეგაც კვლავ ამ არეულობაში აღმოვჩნდებით“, - დასძინა მან.
უკრაინის პრეზიდენტი ვოლოდიმირ ზელენსკი ევროპის პოლიტიკური გაერთიანების სამიტზე დასასწრებად სომხეთის დედაქალაქ ერევანში ჩავიდა, - ინფორმაციას უკრაინული მედია პრეზიდენტის პრესსპიკერზე სერგეი ნიკიფოროვზე დაყრდნობით ავრცელებს.
ნიკიფოროვის განცხადებით, იგეგმება უკრაინის პრეზიდენტის შეხვედრა ნორვეგიის, ფინეთის, გაერთიანებული სამეფოს და ჩეხეთის პრემიერ-მინისტრებთან.
პრეზიდენტის პრესსპიკერის თქმით, სამიტი ორდღიანია და შესაბამისად, ორმხრივი და მრავალმხრივი შეხვედრები ღონისძიების მეორე დღესაც გაგრძელდება.
