,
აშშ-ის პრეზიდენტმა, დონალდ ტრამპმა განაცხადა, რომ ისრაელი კატარზე თავდასხმას აღარ განახორციელებს.
გასულ კვირას ისრაელის მიერ დოჰაში განხორციელებულმა იერიშმა, რომლის სამიზნეც „ჰამასის“ ლიდერები იყვნენ, რეგიონში აშშ-ის მოკავშირეები უკმაყოფილო დატოვა.
ოვალურ კაბინეტში ჟურნალისტების კითხვაზე, მისცა თუ არა პრემიერ-მინისტრმა, ბენიამინ ნეთანიაჰუმ გარანტია, რომ ისრაელი კატარზე თავდასხმას აღარ განახორციელებს, ტრამპმა უპასუხა: „ის კატარს აღარ დაარტყამს“.
მან კიდევ ერთხელ გაიმეორა, რომ დოჰა „ძალიან კარგი მოკავშირეა და ბევრმა არ იცის ამის შესახებ“.
ნეთანიაჰუ „კატარს არ დაარტყამს, მაგრამ, შესაძლოა, სხვაგან დაესხას თავს [„ჰამასს“]“, - დასძინა ტრამპმა.
დასავლეთ ინდონეზიაში მატარებლების შეჯახების შედეგად სულ მცირე 14 ადამიანი დაიღუპა, ხოლო კიდევ 84 დაშავდა, - ინფორმაციას Sky News-ი ავრცელებს.
გამოცემის ცნობით, სამგზავრო მატარებლისა და შორ მანძილზე მოძრავი სამგზავრო მატარებლის შეჯახება ბეკასიში მოხდა, რომელიც ქვეყნის დედაქალაქისა და მსოფლიოში ყველაზე მჭიდროდ დასახლებული ქალაქის, ჯაკარტას აღმოსავლეთით მდებარეობს.
ქვეყნის სამძებრო-სამაშველო სააგენტოს ხელმძღვანელმა, მოჰამედ სიაფიიმ, პრესკონფერენციაზე განაცხადა, რომ სამაშველო ოპერაცია გრძელდება და რომ დამტვრეული ვაგონებიდან გადარჩენილების გამოყვანა დელიკატური პროცესია.
