,
აშშ-ის პრეზიდენტმა დონალდ ტრამპმა თავის სოციალურ ქსელში დაწერა, რომ ისრაელმა და დაჯგუფება „ჰამასმა“ სამშვიდობო შეთანხმების პირველ ეტაპზე მოილაპარაკეს.
თეთრი სახლის ლიდერის განცხადებით, შეთანხმების თანახმად, 2023 წლის 7 ოქტომბერს დატყვევებული ყველა ადამიანი ძალიან მალე გათავისუფლდება, ხოლო ისრაელის თავდაცვის არმია („ცაჰალი“) ღაზის სექტორიდან ადრე შეთანხმებულ ხაზამდე უკან დაიხევს.
ტრამპი ფიქრობს, რომ სამშვიდობო შეთანხმების ხელმოწერა არის პირველი ნაბიჯი მყარი და ხანგრძლივი მშვიდობისკენ. მან მადლობა გადაუხადა კატარს, ეგვიპტესა და თურქეთს გაწეული შუამავლობისთვის.
„ყველა ქვეყნის მიმართ იქნება სამართლიანი მიდგომა! ეს დიდი დღეა არაბული და მუსლიმანური სამყაროსთვის, ისრაელისთვის, ყველა მეზობელი ქვეყნისთვის და შეერთებული შტატებისთვის“, - აღნიშნა ტრამპმა.
ქვეყნის მასშტაბით, სეზონური გრიპის საწინააღმდეგო ვაქცინაცია დაიწყო - აცრა, ყველა მოქალაქისთვის, უფასოდ იქნება ხელმისაწვდომი.
ჯანდაცვის სამინისტროს ცნობით, იმუნიზაციის სახელმწიფო პროგრამის ფარგლებში, საქართველომ, 200 000 დოზა ფრანგული წარმოების, ოთხკომპონენტიანი, (SANOFI WINTHROP INDUSTRIE-ის VaxigripTetra™) სეზონური გრიპის საწინააღმდეგო ვაქცინა შეიძინა, რომელიც ერთ-ერთია ჯანმოს მიერ რეკომენდებულ ვაქცინებს შორის.
„ვაქცინა მორგებულია იმ შტამებზე, რომელთა ცირკულაცია მოსალოდნელია გრიპის სეზონზე.
განსაკუთრებით მნიშვნელოვანია ვაქცინაცია მაღალი რისკის / ქრონიკული დაავადების მქონე პირებისთვის, რადგან ზოგიერთი ადამიანისთვის გრიპი შესაძლოა სახიფათო დაავადებად იქცეს.
აცრა ვაქცინაციის სერვისის მიმწოდებელ სამედიცინო დაწესებულებებსა და პოლიკლინიკებში 6 თვის ასაკიდანაა შესაძლებელი და ბენეფიციარებისთვის სრულად უფასოა”,- აღნიშნულია ინფორმაციაში.
დაწესებულებები იხილეთ ბმულზე: https://ncdc.ge/#/pages/file/87a090e3-e8de-4d08-adaf-aaf0cb8b7128
