,
აშშ-ის პრეზიდენტმა, დონალდ ტრამპმა განაცხადა, რომ მის ადმინისტრაციას უკვე ჰქონდა „ძალიან სერიოზული“ დისკუსია რუსეთთან უკრაინაში ომის თაობაზე. ინფორმაციას ამის შესახებ სააგენტო The Associated Press-ი ავრცელებს.
დონალდ ტრამპის თქმით, ის და რუსეთის პრეზიდენტი ვლადიმირ პუტინი შესაძლოა მალე „მნიშვნელოვან“ ნაბიჯებს გადადგამენ კონფლიქტის დასასრულებლად.
„ჩვენ ვიმსჯელებთ, და ვფიქრობ, შესაძლოა, რაღაც მნიშვნელოვანი გავაკეთოთ“, – განაცხადა ტრამპმა ოვალურ კაბინეტში ჟურნალისტებთან საუბრისას.
„ჩვენ გვინდა ამ ომის დასრულება. ეს ომი საერთოდ არ დაიწყებოდა, მე რომ ვყოფილიყავი პრეზიდენტი“, - დასძინა მან.
ტრამპს არ დაუკონკრეტებია, ვინ იყო მისი ადმინისტრაციიდან რუსულ მხარესთან კონტაქტზე, თუმცა აღნიშნა, რომ „საუბრები უკვე მიმდინარეობს“.
ჟურნალისტის შეკითხვაზე, ჰქონდა თუ არა მას პირადად საუბარი პუტინთან, ტრამპმა თავი აარიდა პასუხს და აღნიშნა: „ამაზე საუბარი არ მსურს“.
ირანის ხელისუფლებამ შუამავლებისგან აშშ-ის სამშვიდობო შეთანხმების პუნქტების ჩამონათვალი მიიღო, რომელთა განხილვას იწყებს. ინფორმაციას BBC ავრცელებს.
„ჩვენ შუამავლების მეშვეობით აშშ-გან მივიღეთ პუნქტები და მათ განვიხილავთ“, - ციტირებს BBC ირანის საგარეო საქმეთა სამინისტროს ერთ-ერთ მაღალჩინოსანს.
როგორც ბრიტანული ტელეარხის CBS-ზე დაყრდნობით წერს, აღნიშნული წარმოადგენს მოლაპარაკებების წინა ეტაპს და ამ მომენტისთვის დიალოგი მხარეებს შორის ჯერ არ იმართება.
ცნობისთვის, გუშინ აშშ-ის პრეზიდენტმა, დონალდ ტრამპმა განაცხადა, რომ აშშ-მა და ირანმა ომის დასრულების შესახებ მოლაპარაკებები გამართეს, თუმცა ირანული მხარე ამას უარყოფს.
