,
პუტინი ბევრ სისულელეს გვეუბნება, ის ყოველთვის ძალიან თავაზიანია, მაგრამ ამას აზრი არ აქვს ხოლმე , - ამის შესახებ აშშ-ის პრეზიდენტმა, დონალდ ტრამპმა კაბინეტის სხდომაზე მედიასთან საუბრის დროს განაცხადა.
დონალდ ტრამპის თქმით, ვლადიმერ პუტინი უკრაინაში ბევრ ადამიანს კლავს, რომელთაგან ბევრი მისი ჯარისკაცია.
მან ისაუბრა უკრაინის მიმართ აშშ-ისა და ამერიკის სამხედრო დახმარებაზე და განაცხადა, რომ უკრაინელები ძალიან მამაცები იყვნენ და მამაცად იბრძვიან.
“ავღანეთში ის ვითარება [აშშ-ის ჯარების გასვლა] რომ არ გვქონოდა, არა მგონია, რომ პუტინი [უკრაინაში] შესულიყო. ვფიქრობ, პუტინმა დაინახა რამდენად უტვინო და არაკომპეტენტური იყო ის ოპერაცია და თქვა: “ვაუ, ეს შეიძლება შანსი იყოს”.
და ახლა მაგასთან [პუტინთან] გავქვს საქმე. ბედნიერები არ ვართ პუტინით, ბედნიერი არ ვარ პუტინით. ამდენის თქვა შემიძლია თქვენთვის ახლა, ვინაიდან, ის ბევრ ადამიანს კლავს. და ბევრი მათგანი მისი ჯარისკაცებია, მისი და მათი ჯარისკაცები ძირითადად. და ახლა ეს 7 ათასია კვირაში. ბედნიერი არ ვარ პუტინით…
მათით [რუსეთით] ძალიან უკმაყოფილო ვარ. მიზეზი არ აქვს ამას [ომს]. უფრო რთული აღმოჩნდა [ომი]...ვიტყვი, რომ უკრაინელები მამაცები იყვნენ, მაგრამ მათ საუკეთესო აღჭურვილობა გადავეცით…
სავარაუდოდ ძალიან სწრაფი ომი იქნებოდა, 3-4 დღიანი ომი იქნებოდა, მაგრამ დაუჯერებელი აღჭურვილობა ჰქონდათ [უკრაინელებს] და ევროპამაც გადასცა მათ. ჩვენ გაცილებით მეტი გადავეცით… უნდა გათანაბრებულიყვნენ [ევროპა], ერთი რაოდენობა უნდა მიგვეცა ან საერთოდ ევროპაზე ნაკლები უნდა მიგვეცა, ვინაიდან ევროპაზე უფრო მეტი გავლენა აქვს ამას, ვიდრე ჩვენზე… მაგრამ მაინც, ევროპამ ბევრი გადასცა.
და იმას ვიტყვი, რომ მიუხედავად იმისა უსამართლოდ მიგაჩნია თუ არა ამდენი ფულის გადაცემა, უკრაინელები ძალიან მამაცები იყვნენ… ასე რომ, მათ ძალიან მამაცად იბრძოლეს”, - განაცხადა ტრამპმა.
აშშ-ის ასევე პრეზიდენტმა აღნიშნა, რომ ეს ომის არასდროს არ უნდა დაწყვებულიყო, რის შემდეგაც მალევე რუსეთის პრეზიდენტის, ვლადიმირ პუტინის კრიტიკაზე გადავიდა.
“ეს ომია, რომელიც არასდროს არ უნდა მომხდარიყო, ბევრი ადამიანი კვდება და ეს უნდა დასრულდეს. არ ვიცი. პუტინი ბევრ სისულელეს გვეუბნება, სიმართლე თუ გინდათ, რომ იცოდეთ. ის ყოველთვის ძალიან თავაზიანია, მაგრამ ამას აზრი არ აქვს ხოლმე,” - განაცხადა ტრამპმა.
რუსეთის წინააღმდეგ შესაძლო სანქციებთან, კერძოდ გრემისა და ბლუმენთალის სასანქციო კანონპროექტთან, დაკავშირებით ტრამპმა უპასუხა: “ძალიან მკაცრი სანქციებია. კი, განვიხილავ ამას”.
ირანისკენ კიდევ ერთი მშვენიერი არმადა მიემართება, - ამის შესახებ აშშ-ის პრეზიდენტმა, დონალდ ტრამპმა აიოვას შტატში, მხარდამჭერების წინაშე სიტყვით გამოსვლისას განაცხადა.
„ივნისში, ირანის ბირთვული პოტენციალი გავანადგურეთ. ამას ხალხი 22 წელი ელოდა. მათ ბირთვულ იარაღამდე დაახლოებით ერთი თვე აშორებდათ. ეს უნდა გაგვეკეთებინა“, - განაცხადა ტრამპმა.
დონალდ ტრამპმა იმედი გამოთქვა, რომ ირანი აშშ-სთან შეთანხმებას გააფორმებს.
„ახლა ირანისკენ კიდევ ერთი მშვენიერი არმადა მიემართება. დიდი იმედი მაქვს, რომ შეთანხმებას გააფორმებენ. შეთანხმება პირველივე ჯერზე უნდა გაეფორმებინათ“, - აღნიშნა აშშ-ის პრეზიდენტმა.
ცნობისთვის, ავიამზიდ „აბრაამ ლინკოლნის“ დამრტყმელი ჯგუფი ახლო აღმოსავლეთში ორშაბათს ჩავიდა. აშშ-ის ცენტრალურმა სარდლობამ განაცხადა, რომ დამრტყმელი ჯგუფი სამხედრო მზადყოფნის შემოწმების მიზნით წვრთნებს ჩაატარებს.
ინფორმაციისთვის, აშშ-ის პრეზიდენტის, დონალდ ტრამპის განცხადებით, ირანმა აშშ-სთან ახალი ბირთვული შეთანხმება უნდა დადოს, რომლის ფარგლებშიც თეირანი ურანის გამდიდრებას ვეღარ შეძლებს. 2025 წლის გაზაფხულზე აშშ-ის პრეზიდენტმა ირანის უზენაეს ლიდერს, აიათოლა ალი ხამენეის წერილი გაუგზავნა და მოლაპარაკებებისკენ მოუწოდა. წერილის თანახმად, დონალდ ტრამპმა ირანს ორი თვე მისცა, რათა ბირთვული პროგრამა შეეჩერებინა. 2025 წლის აპრილში, ომანში აშშ-ისა და ირანის დელეგაციებს შორის მოლაპარაკებები დაიწყო, რომელიც ივნისამდე გაგრძელდა. ირანმა ბირთვული პროგრამის შეჩერების შესახებ აშშ-ის მოთხოვნას მიუღებელი უწოდა და განაცხადა, რომ აშშ-ს ახალ წინადადებას წარუდგენდა. გასული წლის 13 ივნისს ისრაელმა ირანში რამდენიმე სამხედრო ობიექტს დაარტყა, ხოლო ისრაელის იერიშების დაწყებიდან ერთი კვირის შემდეგ, აშშ-მა ირანში ბირთვული ობიექტები დაბომბა.
