,
აშშ-ის პრეზიდენტი, დონალდ ტრამპი აცხადებს, რომ ევროპა აშშ-ს "ცუდად ექცევა".
ექსპორტთან დაკავშირებით ტრამპმა განაცხადა, რომ "მათთან თითქოს ცალმხრივი ქუჩაა".
"ევროპას თუ შეხედავთ, ევროკავშირს თუ შეხედავთ - იქ ჩვენი მანქანების გაყიდვა არ შეგვიძლია, ვინაიდან, ეს აკრძალულია მათი პოლიტიკის გამო და მათი არაფინანსური ტარიფების გამო. შეფერხებებს გიქმნიან ისე, რომ ამაზე არაფრის გაკეთება არ შეგიძლია.
თუ შეხედავთ, ანუ მანქანებს არ ვყიდით ევროპაში, ფაქტობრივად. მათგან მილიონობით მანქანას ვყიდულობთ. ისინი არ იღებენ ჩვენს სოფლის მეურნეობას, ჩვენ ვიღებთ მათგან. თითქოს ცალმხრივი ქუჩაა მათთან. ევროკავშირი ძალიან, ძალიან საძაგელია.
ჩვენს კომპანიებს სასამართლოში ედავებიან. Apple იძულებული იყო 16 მილიარდი აშშ დოლარი გადაეხადა… სასამართლოში ედავებიან Google-ს, სასამართლოში ედავებიან Facebook-ს, ყველა ამ კომპანიას და მილიარდობით აშშ დოლარს იღებენ ამერიკული კომპანიებისგან…
ცუდად გვეპყრობიან. ჩინეთიც, აშკარაა, ცუდად გვეპყრობა. თითქმის ყველა ცუდად გვეპყრობა. და ყოფილ პრეზიდენტებს ვაბრალებ, სიმართლე რომ გითხრათ,” - განაცხადა ტრამპმა.
ირანის ხელისუფლებამ შუამავლებისგან აშშ-ის სამშვიდობო შეთანხმების პუნქტების ჩამონათვალი მიიღო, რომელთა განხილვას იწყებს. ინფორმაციას BBC ავრცელებს.
„ჩვენ შუამავლების მეშვეობით აშშ-გან მივიღეთ პუნქტები და მათ განვიხილავთ“, - ციტირებს BBC ირანის საგარეო საქმეთა სამინისტროს ერთ-ერთ მაღალჩინოსანს.
როგორც ბრიტანული ტელეარხის CBS-ზე დაყრდნობით წერს, აღნიშნული წარმოადგენს მოლაპარაკებების წინა ეტაპს და ამ მომენტისთვის დიალოგი მხარეებს შორის ჯერ არ იმართება.
ცნობისთვის, გუშინ აშშ-ის პრეზიდენტმა, დონალდ ტრამპმა განაცხადა, რომ აშშ-მა და ირანმა ომის დასრულების შესახებ მოლაპარაკებები გამართეს, თუმცა ირანული მხარე ამას უარყოფს.
