რუსეთ-უკრაინის ომის ფონზე ტურიზმის სექტორში აღდგენის ტემპი კვლავ ნელია. მარტში საქართველოში საერთაშორისო ვიზიტორების მიერ 188 354 ვიზიტი განხორციელდა, რაც პანდემიამდელი მაჩვენებლის მხოლოდ 37%-ია.
მიმდინარე წლის სამ თვეში საქართველოში 576 503 საერთაშორისო მოგზაურის ვიზიტია აღრიცხული, მაშინ როდესაც 2019 წელს ეს მაჩვენებელი 1.6 მილიონს აღემატებოდა.
ტოპ-10 ქვეყანა მარტში საერთაშორისო ვიზიტების მიხედვით:
• თურქეთი - 42 421 ვიზიტი
• რუსეთი - 22 536 ვიზიტი
• სომხეთი - 21 990 ვიზიტი
• საქართველო (არარეზიდენტები) – 17 145 ვიზიტი
• აზერბაიჯანი - 14 554 ვიზიტი
• ისრაელი - 12 308 ვიზიტი
• ირანი - 7 070 ვიზიტი
• უკრაინა - 6 375 ვიზიტი
• ყაზახეთი - 5 358 ვიზიტი
• ბელარუსი - 5 260 ვიზიტი
აღსანიშნავია, რომ უკრაინაში რუსეთის შეჭრის შემდეგ რუსეთიდან ვიზიტორების ზრდაზე არაერთი განცხადება გაკეთდა. წლის პირველ 3 თვეში საქართველოში თითქმის 72 ათასი რუსეთის მოქალაქის ვიზიტი შედგა. ამავე პერიოდში უკრაინიდან 27 597 ვიზიტია აღრიცხული.