,
"თიბისი კაპიტალის" თბილისის საცხოვრებელი უძრავი ქონების ყოველთვიური მიმოხილვის თანახმად, 2025 წლის ივლისში თბილისში 3,618 ტრანზაქცია განხორციელდა, რაც 2024 წლის ივლისის მაჩვენებელს 5%-ით აჭარბებს.
საშუალო გასაყიდმა ფასმა 1,278 $/კვ.მ-ს მიაღწია და წლიურად 6%-ით გაიზარდა.
გასაქირავებელი ფასი 10.3 $/კვ.მ-ს გაუტოლდა, რაც 11%-ით ნაკლებია 2024 წლის იმავე პერიოდთან შედარებით.
ბაზრის მოცულობამ $307 მილიონი შეადგინა და წლიურად 15%-ით გაიზარდა.
ქვეყნის მასშტაბით, სეზონური გრიპის საწინააღმდეგო ვაქცინაცია დაიწყო - აცრა, ყველა მოქალაქისთვის, უფასოდ იქნება ხელმისაწვდომი.
ჯანდაცვის სამინისტროს ცნობით, იმუნიზაციის სახელმწიფო პროგრამის ფარგლებში, საქართველომ, 200 000 დოზა ფრანგული წარმოების, ოთხკომპონენტიანი, (SANOFI WINTHROP INDUSTRIE-ის VaxigripTetra™) სეზონური გრიპის საწინააღმდეგო ვაქცინა შეიძინა, რომელიც ერთ-ერთია ჯანმოს მიერ რეკომენდებულ ვაქცინებს შორის.
„ვაქცინა მორგებულია იმ შტამებზე, რომელთა ცირკულაცია მოსალოდნელია გრიპის სეზონზე.
განსაკუთრებით მნიშვნელოვანია ვაქცინაცია მაღალი რისკის / ქრონიკული დაავადების მქონე პირებისთვის, რადგან ზოგიერთი ადამიანისთვის გრიპი შესაძლოა სახიფათო დაავადებად იქცეს.
აცრა ვაქცინაციის სერვისის მიმწოდებელ სამედიცინო დაწესებულებებსა და პოლიკლინიკებში 6 თვის ასაკიდანაა შესაძლებელი და ბენეფიციარებისთვის სრულად უფასოა”,- აღნიშნულია ინფორმაციაში.
დაწესებულებები იხილეთ ბმულზე: https://ncdc.ge/#/pages/file/87a090e3-e8de-4d08-adaf-aaf0cb8b7128
