,
საქართველოს ტექნიკური უნივერსიტეტის რექტორის, დავით გურგენიძის განცხადებით, სტატუსშეჩერებული სტუდენტებისთვის დავალიანების განულების შესახებ გადაწყვეტილება არის სტუდენტებზე მთავრობის ზრუნვის კიდევ ერთი გამოხატულება.
„ეს არის სტუდენტ ახალგაზრდობაზე საქართველოს მთავრობის ზრუნვის კიდევ ერთი ნათელი გამოხატულება. ბოლო ერთი კვირის განმავლობაში წარჩინებული სტუდენტებისთვის გაორმარდა სტიპენდია და რაოდენობა. დღეს პრემიერ-მინისტრმა მიიღო კიდევ ერთი უპრეცედენტო გადაწყვეტილება - სტუდენტებს, რომლებსაც სტატუსი შეჩერებული აქვთ ფინანსური დავალიანების გამო, ექნებათ საშუალება, გააგრძელონ სწავლა“, - აცხადებს ტექნიკური უნივერსიტეტის რექტორი.
ირაკლი ღარიბაშვილის გადაწყვეტილებით, საქართველოში 30 ათასამდე სტატუსშეჩერებულ სტუდენტს 40 მლნ ლარის დავალიანება გაუნულდება.
დღეს აშშ ჯანდაცვის მსოფლიო ორგანიზაციას ოფიციალურად დატოვებს, - ინფორმაციას Reuters-ი ავრცელებს.
ჯანდაცვის მსოფლიო ორგანიზაციის ცნობით, აშშ-ის 2024-2025 წლებში ორგანიზაციაში შესატანი 260 მილიონი დოლარი ჯერჯერობით არ გადაუხდია.
აშშ-ის კანონმდებლობის თანახმად, აშშ-მა ორგანიზაციის დატოვებამდე ყველა გადაუხდელი დავალიანება უნდა დაფაროს.
ჯანდაცვის მსოფლიო ორგანიზაციის წარმომადგენლის განცხადებით, აშშ-ის მიერ ორგანიზაციის დატოვების საკითხს ჯანმოს აღმასრულებელი საბჭო თებერვალში განიხილავს.
შეგახსენებთ, ჯანდაცვის მსოფლიო ორგანიზაციის დატოვების შესახებ აღმასრულებელ ბრძანებას აშშ-ის პრეზიდენტმა, დონალდ ტრამპმა ხელი გასულ წელს, თანამდებობის დაკავების პირველივე დღეს მოაწერა.
