,
„თბილსერვის ჯგუფის“ თანამშრომლებმა კომპანიის ხელმძღვანელობას მოთხოვნების ჩამონათვალი წარუდგინეს.
აქციის მონაწილეების განცხადებით, ისინი სამუშაო ხელშეკრულებასაც არ იცნობენ.
მათივე თქმით, ხელმძღვანელობასთან მოლაპარაკებას მხოლოდ მედიის წარმომადგენლების თანდასწრებით გააგრძელებენ.
„ჩვენ რა მოთხოვნაც გვქონდა, ხელმძღვანელობას დავუწერეთ და გავუგზავნეთ. მოთხოვნები ის იყო, რომ დავუბრუნდეთ ძველ სამუშაო გრაფიკს. ასევე, ხელფასების 50%-იანი ზრდა, რაც გვეკუთნის, მოგვცენ. ვითხოვთ ფორმების და ტექნიკის შეცვლასაც“, - განაცხადა აქციის ერთ-ერთმა მონაწილემ.
შეგახსენებთ, რომ „თბილსერვის ჯგუფის“ სამსახურის თანამშრომლები დღეიდან გაიფიცნენ. დასუფთავების სამსახურის წარმომადგენლების განცხადებით, კომპანიის ხელმძღვანელებმა ხელშეკრულებით დადგენილი პირობები შეცვალეს და ახლა გაცილებით რთულ პირობებში მუშაობენ.
ამერიკის შეერთებული შტატების გარეშე ნატო ქაღალდის ვეფხვია, - ამის შესახებ აშშ-ის პრეზიდენტი, დონალდ ტრამპი სოციალურ ქსელში წერს.
„შეერთებული შტატების გარეშე ნატო ქაღალდის ვეფხვია! მათ არ უნდოდათ ბრძოლაში ჩართვა ბირთვულად შეიარაღებული ირანის შესაჩერებლად. ახლა, როდესაც ბრძოლა სამხედრო ძალებით მოგებულია, მათთვის ძალიან მცირე საფრთხით, ისინი ნავთობის მაღალ ფასებზე წუწუნებენ, რომლის გადახდაც უწევთ, მაგრამ არ სურთ ჰორმუზის სრუტის გახსნაში დახმარება, მარტივ სამხედრო მანევრში, რაც ნავთობზე მაღალი ფასების ერთადერთი მიზეზია.
რამდენად მარტივია მათთვის ამის გაკეთება, ასეთი მცირე რისკით. ლაჩრები, და ჩვენ დავიმახსოვრებთ!” - წერს ტრამპი.
