,
პროექტ „თბილისის მყარი მუნიციპალური ნარჩენების სტრატეგიის“ ფარგლებში, თბილისის ნარჩენების პრევენციისა და რეციკლირების სცენარების ხარჯების და შემოსავლების ანალიზის პრეზენტაცია გაიმართა. შეხვედრას თბილისის მერის მოადგილე ანდრია ბასილაია დაესწრო.
პრეზენტაციაზე, დაინტერესებული მხარეებს პროექტის ფარგლებში მომზადებული მესამე ანგარიში წარუდგინეს, რომელშიც განხილულია ნარჩენების მართვის შემოთავაზებული ვარიანტების ფინანსური ასპექტები.
თბილისის მყარი მუნიციპალური ნარჩენების სტრატეგიის პროექტის ფარგლებში, დოქტორ ლუდვიგ შტრეფის ხელმძღვანელობით მომზადდა სამი დოკუმენტი. კვლევების პირველი ნაწილი, გასული წლის სექტემბრის ბოლოს, ევროპის რეკონსტრუქციისა და განვითარების ბანკის ფინანსური მხარდაჭერით დაიწყო. კვლევა მიზნად ისახავს, დადგინდეს თბილისში წარმოქმნილი მყარი მუნიციპალური ნარჩენების შემადგენლობა, რის საფუძველზეც უნდა განისაზღვროს მასში შემავალი სხვადასხვა ნაკადების პროცენტული წილი და რაოდენობა. აღნიშნული ანალიზი, შესაძლებლობას იძლევა, დედაქალაქისთვის დაითვალოს მყარი მუნიციპალური ნარჩენების სხვადასხვა ნაკადების ზუსტი რაოდენობები, დაისახოს ნარჩენების სეპარაციისა და გადამუშავების რეალისტური რაოდენობრივი მიზნები და განისაზღვროს მათი განხორციელების გზები, აგრეთვე, ინფრასტრუქტურული და ფინანსური საჭიროებები.
ევროპის რეკონსტრუქციისა და განვითარების ბანკის ფინანსური მხარდაჭერით მიმდინარე პროექტი, 20-თვიანი ინიციატივაა, რომლის პრაქტიკული შესრულებაც 2020 წლის 16 იანვარს დაიწყო. მისი მიზანია, თბილისისათვის მყარი მუნიციპალური ნარჩენების პრევენციისა და გადამუშავების 10-წლიანი სტრატეგიისა და სამოქმედო გეგმის შემუშავება, ასევე, გეგმის შესრულების საწყისი ეტაპის ხელშეწყობა. აღნიშნულ ინიციატივას ახორციელებს თბილისის მუნიციპალიტეტის მერია შპს „თბილსერვის ჯგუფის“ აქტიური მონაწილეობით. პროექტის ტექნიკურ დახმარებას უზრუნველყოფს გერმანულ-ბერძნული კონსორციუმი - ICP-ENVIROPLAN, ნარჩენების მართვის სფეროში დიდი გამოცდილების მქონე გერმანული კომპანიის (ICP-Ingenieurgesellschaft Prof. Czurda & Partner mbH) უშუალო ხელმძღვანელობით.
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
