,
.png)
ამა წლის 7 აპრილს შპს ,,თბილსერვის ჯგუფმა”, რომლის 100%-იანი მეპატრონე თბილისის მერიაა, 200 ცალი მიწისქვეშა ნაგავშემკრები კონტეინერების შესყიდვაზე ტენდერი (NAT230007996) გამოაცხადა.
შესყიდვის სავარაუდო ღირებულება 10 მილიონი ლარია ანუ ერთი ცალი კონტეინერის შესყიდვა საშუალოდ 50 ათასი ლარი დაუჯდება დედაქალაქის ბიუჯეტს.
პრეტენდენტის გამოცდილების შესახებ მოთხოვნაში მითითებულია, რომ 2016 წლის 01 იანვრიდან მწარმოებელ კომპანიას, საქართველოს ან/და ევროკავშირის წევრს სახელმწიფოებში მიწოდებული უნდა ჰქონდეს არანაკლებ 2500 ერთეული მიწისქვეშა კონტეინერი, აღნიშნულის დასადასტურებლად პრეტენდენტის მიერ წარმოდგენილი უნდა იქნეს სათანადო დოკუმენტაცია, რომელიც დადასტურებული იქნება შემსყიდველის მიერ.
აღსანიშნავია, რომ მსგავსი გამოცდილება საქართველოში მხოლოდ ერთ კომპანიას გააჩნია. პირველი კონტრაქტი მსგავსი კონტეინერების მიწოდებაზე, მერიამ ერთ პირთან მოლაპარალკებით გაუფორმეს კომპანია „ჯითი გრუფს“, ეს იყო საქართველოში პირველი და მსგავსი გამოცდილება არ ჰქონდა არცერთ კომპანიას. შესაბამისად, უკვე ამ კომპანიას გაუჩნდა ამ ტიპის გამოცდილება და მომდევნო ტენდერებში უკვე სარგებლობს უპირატესობით.
https://tenders.procurement.gov.ge/
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
