TBC Capital-ის კვლევის მიხედვით, 2025 წლის აგვისტოში, თბილისის უბნებს შორის ყველაზე მეტი ბინა დიდ დიღომში გაიყიდა, ხოლო კრწანისში ყველაზე მაღალი წლიური ზრდა დაფიქსირდა.

ამავე პერიოდში, თბილისის უმრავლეს უბანში წელს წელთან შედარებით შემცირდა გაყიდული ბინების რაოდენობა, დასვენების დღეების გამო. (2025 წლისა და 2024 წლის აგვისტოს თვეების სამუშაო დღეებს შორის განსხვავება იყო. კერძოდ, წელს აგვისტოში ორი სამუშაო დღით ნაკლები იყო, ვიდრე წინა წელს, რაც ოფიციალურ რეგისტრაციაზე მოქმედებს).

რაც შეეხება ყველაზე მაღალი/დაბალი ფასის მქონე უბნებს:

ყველაზე მაღალი საშუალო გასაყიდი ფასი, თბილისის უბნებს შორის, კვლავ ვაკესა და მთაწმინდაზე დაფიქსირდა, რომელიც კვადრატულ მეტრზე $2,000-ს აღემატება.

რაც შეეხება ყველაზე დაბალი ფასის მქონე უბნებს, საშუალო მაჩვენებელი კვადრატულ მეტრზე $1,100-ის გარშემო მერყეობს.