კრწანისის რაიონის ისტორიულ ნაწილში კიდევ ერთი ტურისტული ზონა გაჩნდა - ბააზოვის ქუჩიდან თაბორის მონასტრის მიმართულებით, ტურისტული საფეხმავლო ბილიკი მოეწყო.
ადგილზე გაკეთდა ლითონის კონსტრუქციის კიბე, ბილიკები და მოაჯირები.
სამუშაოების ფარგლებში, ასევე, დამონტაჟდა განათების სისტემა და კამერები. თბილისის პანორამული ხედის უკეთ დასათვალიერებლად და
მოსასვენებლად ადგილზე მოეწყო ტერასები, სადაც საქანელა სკამები განთავსდა.
დასრულებული პროექტი კრწანისის რაიონის გამგებელმა ბექა მიქაუტაძემ, საკრებულოს თავმჯდომარე გიორგი ტყემალაძემ, საკრებულოს მაჟორიტარმა დეპუტატმა ლევან ჯაფარიძემ და საქართველოს პარლამენტის წევრმა დავით კაჭარავამ დაათვალიერეს.
თაბორის მონასტრიდან ბილიკის მეშვეობით ისინი აბანოთუბანში ჩავიდნენ, სადაც ნარდის ტურნირი გაიმართა. ტურნირში სამი გამარჯვებული გამოვლინდა. მათთვის კრწანისის რაიონის გამგეობამ ჯილდოები დააწესა.
