,
თბილისის მერიის გარემოს დაცვის საქალაქო სამსახურმა ვაჟა-ფშაველას გამზირზე, პირველ კვარტალში არსებული ციციშვილის სახელობის პარკის რეაბილიტაცია დაიწყო.
დაახლოებით 2 ჰექტარზე განთავსებული რეკრეაციული სივრცის კეთილმოწყობის სამუშაოები დღეს თბილისის მერმა კახა კალაძემ, საკრებულოს თავმჯდომარე გიორგი ტყემალაძესა და მერის მოადგილე ანდრია ბასილაიასთან ერთად დაათვალიერა.
„დავიწყეთ ციციშვილის პარკის სარეაბილიტაციო სამუშაოები. პარკი ძალიან ცუდ მდგომარეობაში იყო და ადგილობრივ მოსახლეობას დავპირდით, რომ არსებულ სივრცეს მოვაწესრიგებდით. აღნიშნული პროექტის ფარგლებში, აქ ვითარება სრულად შეიცვლება - დაირგვება ხე-მცენარეები, მოეწყობა სკეიტპარკი, პატარებისთვის გაკეთდება ატრაქციონები, მოეწყობა საფეხმავლო ბილიკები, დამონტაჟდება გარე განათების ახალი ქსელი, სარწყავი სისტემები. პირობას ვაძლევ ადგილობრივ მოსახლეობას, რომ წლის ბოლოს, როდესაც სამუშაოები დასრულდება, აქ ნამდვილად სასიამოვნო გარემო იქნება. ასეთი პარკები, რეკრეაციული სივრცეები ჭირდება ჩვენს დედაქალაქს, რასაც მუნიციპალიტეტი ყველა რაიონში ახორციელებს. მომდევნო წლებში ამ ტიპის სამუშაოები აუცილებლად გაგრძელდება“, - განაცხადა კახა კალაძემ.
ადგილზე ასევე იმყოფებოდნენ ვაკის რაიონის მაჟორიტარი დეპუტატი პარლამენტში ნოდარ ტურძელაძე და რაიონის გამგებელი დავით კვინიკაძე.
გარდა კეთილმოწყობის სამუშაოებისა, პარკში ჩატარდება გამწვანების ღონისძიებები: ტერიტორიაზე შევა ნოყიერი მიწის ნაზავი, დაითესება ბალახი და დაირგვება ასობით ნერგი.
სამუშაოების ღირებულება, დაახლოებით, 5 მლნ ლარია და ის 2023 წლის ბოლოს დასრულდება.
.jpg)
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
