თბილისში, დოლიძის ქუჩაზე ორი ადამიანი დაჭრეს. დაჭრილები მამა-შვილი არიან. არსებული ცნობით, მამა-შვილი მეზობელმა დაჭრა.

ერთ-ერთი ვერსიით, შელაპარაკება ყოფით ნიადაგზე, პარკინგის ადგილის გამო დაიწყო და სავარაუდოდ, ალკოჰოლური ზემოქმედების ქვეშ მყოფმა მეზობელმა მამა-შვილს დაზიანებები დანით მიაყენა.

დაჭრილები ამ დროისთვის კლინიკაში არიან გადაყვანილი. მათ სიცოცხლეს საფრთხე არ ემუქრებათ.