,
თბილისში ინდოეთის ეროვნულ განმათავისუფლებელი და არაძალადობრივი მოძრაობის ლიდერის, უდიდესი სახელმწიფო მოღვაწის, მაჰათმა განდის ძეგლი გაიხსნა.
ძეგლი თბილისის საკრებულოს თავმჯდომარემ გიორგი ტყემალაძემ, საქართველოს საგარეო საქმეთა მინისტრმა დავით ზალკალიანმა და ინდოეთის საგარეო საქმეთა მინისტრმა სუბრაჰმანიამ ჯაიშანკარიმ გახსნეს.
ძეგლის გახსნა განდის 150 წლის იუბილეს მიეძღვნა. ქანდაკება, რომლის ავტორიც ინდოელი მოქანდაკე გაუტამ პალია, საქართველოს საჩუქრად გადმოეცა.
როგორც საკრებულოს თავმჯდომარემ გიორგი ტყემალაძემ განაცხადა, დღეს ქართველი ხალხისთვის უაღრესად მნიშვნელოვანი დღეა. მისი თქმით, ნიშანდობლივია, რომ ძეგლის გახსნა ინდოეთიდან სამშობლოში ქეთევან დედოფლის წმინდა ნაწილების გადმოსვენების დღეს მოხდა.
„ძეგლის გახსნით ვადასტურებთ ჩვენს დიდ პატივისცემას მაჰათმა განდისა და მისი მოღვაწეობის მიმართ და იმედს გამოვთქვამთ, რომ ეს კიდევ უფრო გააღრმავებს საქართველოსა და ინდოეთს შორის არსებულ მეგობრულ ურთიერთობებს. ნიშანდობლივია, რომ ძეგლის გახსნას წინ უძღოდა ინდოეთიდან სამშობლოში ჩვენი დიდი წმინდანის, ქეთევან წამებულის წმინდა ნაწილების ჩამობრძანება, რისთვისაც მადლობას ვუხდი ამ ისტორიულ საქმეში მონაწილე ყველა მხარეს და განსაკუთრებით ინდოეთის მთავრობას წმინდა ნაწილის საქართველოსთვის სამუდამოდ გადმოცემისთვის,“- განაცხადა გიორგი ტყემალაძემ.
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
