1939 წელი სსრკ-ის თასი ..

სსრკ-ის თასის გათამაშებაში 1/32-ფინალში თბილისის ,,დინამომ,, თბილისში,,დინამოზე,,დაამარცხა მოსკოვის,,ტორპედო,,(5:2 ბერეჟნოის-2,ბერძენიშვილის,ჯეჯელავას და პაიჭაძის გოლებით),შემდეგ წრეში თბილისში მოსკოვის,,პიშევიკთან,,ძირითად დროში 2:2(ბორის პაიჭაძემ ,,დუბლი,,შეასრულა),მაგრამ დამატებითი დრო არ დაინიშნა ,რადგან ჯერ ხელოვნური განათება არ იყო დამონტაჟებული და გვიანი საღამოს შუქი არასაკმარისი იყო .მეორე დღეს გაიოზ ჯეჯელავას გოლით დინამოელებმა მოიპოვეს მერვედფინალის საგზური.1/8-ფინალში თბილისის დინამოს მეტოქე თბილისში ბერიას სახელობის დინამოს სტადიონზე გახლდათ ბათუმის დინამო და უხვგოლიანი მატჩი თბილისელთა გამარჯვებით(5:3) დამთავრდა.თბილისელთაგან გოლების ავტორები გახლდათ პაიჭაძე-2.ბერძენიშვილი-2 და ხარბედია.სამწუხაროდ უცნობია ბათუმელთაგან გოლების ავტორები და საერთოდ შემადგენლობაც..

მეოთხედფინალში იყო ურთულესი მატჩი მოსკოვში,,დინამოს,სტადიონზე 60ათასი გულშემატკივრის დასწრებით ადგილობრივ ცდკა-თან ,რომელიც ასლან ხარბედიას გოლით მატჩის 23-ე წუთზე დინამოს გამარჯვებით დასრულდა.

თბილისის დინამომ მატჩი შემდეგი შემადგენლობით ჩაატარა:ალექსანდრე დოროხოვი, შოთა შავგულიძე (კაპ), გრიგორი გაგუა, ვლადიმერ ჯორბენაძე, ბორის ფროლოვი, გრიგორი ჭელიძე, გაიოზ ჯეჯელავა, მიხეილ ბერძენიშვილი, ბორის პაიჭაძე, ვიქტორ ბერეჟნოი, ასლან ხარბედია.

მთავარი მწვრთნელი - მიხაილ ბუტუსოვი.

ფინალამდე ერთი ნაბიჯია- ნახევარფინალი მოსკოვშია და ,,სპარტაკია,,მეტოქე.მატჩი 8 სექტემბერს გაიმართა და დიდი ინტერესი გამოიწვია-თამაშს 80ათასი მაყურებელი დაესწრო.

ქართული და რუსული პრესაც აღნიშნავს ,რომ მატჩი თბილისელთა მცირე უპირატესობით მიმდინარეობდა,დინამო მეტს უტევდა,მაგრამ ერთადერთი გოლი სპარტაკელმა პროტასოვმა გაიტანა მატჩის 65-ე წუთზე.

მატჩის არბიტრის ლენინგრადელი გორელკინის მიერ ჩათვლილმა ამ გოლმა თბილისელთა პროტესტი გამოიწვია- პროტასოვის დარტყმის შემდეგ ბურთი შავგულიძემ გამოიტანა კარებიდან და თბილისელებს მიაჩნდათ,რომ ბურთს კარის ხაზი არ გადაუკვეთია... .

თამაშს ესწრებოდა ლავრენტი ბერია და გავრცელებული ხმებით მატჩის არბიტრ გორელკინის მიერ ჩათვლილი გოლით გაბრაზებულმა ბერიამ ლოჟაში სკამი ააყირავა და დატოვა სტადიონი.

თბილისელებმა მატჩის შედეგი გააპროტესეს.

საკავშირო ფეხბურთის განყოფილებამ და ფიზიკური კულტურისა და სპორტის კომიტეტმა თბილისელთა პროტესტი არ დააკმაყოფილეს,.

12 სექტემბერს გაიმართა თასის ფინალური მატჩი:,,სპარტაკმა,, დაამარცხა ლენინგრადის,,სტალინეცი,,(3:1) და გადაეცა ,,ბროლის თასი,,.

.....რა მექანიზმები ჩაირთო მაშინ, რა ბერკეტები უცნობია.,თუმცა, თანამედროვეები არც თუ უმიზეზოდ თვლიან, რომ გადაწყვეტილება პირადად მიიღო შინაგან საქმეთა სახალხო კომისარმა ლავრენტი ბერიამ. ასეა თუ ისე, ფაქტია : ფინალიდან სამი კვირის შემდეგ განმეორებით გაიმართა ნახევარფინალური შეხვედრა სპარტაკი მოსკოვი-დინამო თბილისი.

ანულირებული მატჩის გადათამაშება 30 სექტემბერს უშეღავათო ბრძოლაში მიმდინარეობდა.რუსული და ქართული პრესა ისევ აღნიშნავს ,რომ სათამაშო უპირატესობას თბილისელები ფლობდნენ,მეტსაც უტევდნენ,მაგრამ საპასუხო შეტევები და მოსკოველმა გლაზკოვმა 2:0 დააწინაურა სპარტაკი,ბორის პაიჭაძემ პირველ ტაიმში ერთი გაქვითა,.51-ე წუთზე ისევ გლაზკივი-3:1.დინამო გამუდმებით უტევს ,მაგრამ მხოლოდ შეამცირა სხვაობა ბერეჟნოის გოლით..-3:2 სპარტაკმა ნახევარფინალი მოიგო ფინალის შემდეგ ...

ალბათ ეს უპრეცედენტო შემთხვევაა ,ფეხბურთის და საერთოდ სპორტის, ისტორიაში...

თბილისის,,დინამოს,, დიდი ქომაგი იყო ლავრენტი..

თბილისის ,,დინამოს,,,,პატრონი,,

წყარო:ზაზა ახალაია