,
თბილისის მერიის გარემოს დაცვის საქალაქო სამსახურმა თბილისის ზღვის მიმდებარედ, ზარაშვილისა და გ. ქუთათელაძის ქუჩების მომიჯნავედ არსებულ 18.3 ჰექტარ ფართობზე გამწვანების მასშტაბური აქცია გამართა.
ღონისძიებაში მონაწილეობა თბილისის მერის მოადგილე ანდრია ბასილაიამ და გარემოს დაცვის საქალაქო სამსახურის უფროსის მოვალეობის შემსრულებელმა პაატა ტოგონიძემ მიიღეს.
„სკვერების და პარკების გარდა, ძალიან მნიშვნელოვანია, თბილისში დეგრადირებული ტყის საფარი აღდგეს. მსგავსი ფერდობები სამწუხაროდ, მრავლად გვაქვს. დღეს ამ კონკრეტული ფერდის აღდგენა იწყება, რომელიც, ჯამში, 18 ჰექტარია. ტერიტორიაზე უკვე დამონტაჟდა სარწყავი სისტემა და დაირგვება სხვადასხვა სახის ხე-მცენარე. ტყის საფარის აღდგენის პროექტისთვის 1.5 მლნ ლარი დაიხარჯება. პარალელურად, რა თქმა უნდა, მსგავსი პროექტები გაგრძელდება, რადგან ჩვენთვის ურბანული ტყის აღდგენა ძალიან მნიშვნელოვანია“, - განაცხადა ანდრია ბასილაიამ.
აღნიშნულ ტერიტორიაზე, ჯამში, სხვადასხვა სახეობის 13 579 ძირი მწვანე ნარგავი დაირგვება. მათ შორის, მინდვრის ნეკერჩხალი, კავკასიური აკაკი, იფანი, ჰიმალაის კედარი, ჩვეულებრივი ნუში, ცაცხვი და ზეთის ხილი. ტერიტორიაზე უკვე მოწყობილია სარწყავი სისტემა და დარგული ნერგების მოვლა-პატრონობა ოთხი წლის განმავლობაში განხორციელდება.
პროექტის მიზანი თბილისის ზღვაზე, ზ. წერეთლის მემორიალის მიმდებარედ წინა წლებში არსებული და ამჟამად დეგრადირებული ტყის აღდგენაა. პროექტი ასევე, მიზნად ისახავს აღნიშნულ ტერიტორიაზე სტაბილური კორომის ჩამოყალიბებას.
გამწვანების აქციაში შპს „ეკოსერვის ჯგუფის“ წარმომადგენლები და დირექტორი ვახტანგ ნოზაძე, რაიონის მაჟორიტარი დეპუტატი საკრებულოში ირაკლი ხელაძე, ასევე, ნაძალადევის გამგებელი ირაკლი ანდღულაძე და გამგეობის სხვა თანამშრომლები მონაწილეობდნენ.
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
