,
უბნებში, სადაც დღეს წყალმომარაგება შეიზღუდება, სასმელი წყლის ცისტერნები იმოძრავებს, - ამის შესახებ ინფორმაციას „ჯორჯიან უოთერ ენდ ფაუერი“ ავრცელებს.
„მუხრან მაჭავარიანის ქუჩაზე მაგისტრალური წყალსადენების მეწყრული პროცესებისგან დაცვის მიზნით, "ჯორჯიან უოთერ ენდ ფაუერი" ახალ ქსელზე გადაუდებელ ტექნიკურ სამუშაოებს ჩაატარებს. წყალმომარაგების სტაბილურობისა და უსაფრთხოებისთვის დღეს, 6 აპრილს, ღამის 23:00 სთ-დან 7 აპრილის საღამოს 19:00 სთ-მდე მაგისტრალურ მილებზე დამონტაჟდება ჩამკეტ-მარეგულირებელი ურდულები, რა დროსაც აუცილებელია ქსელის წყლისგან დაცლა და წყალმომარაგების შეზღუდვა.
"ჯორჯიან უოთერ ენდ ფაუერი" სრულად ითვალისწინებს მოსახლეობის თხოვნას წყალმომარაგების შეზღუდვის პერიოდში სასმელი წყლის ცისტერნებით მიწოდების შესახებ.
წყალმომარაგების აღდგენამდე, სამუშაოების მიმდინარეობის პერიოდში, კომპანიის მიერ დამატებით მაქსიმალური რაოდენობის ცისტერნები იქნება მობილიზებული. სასმელი წყლის ცისტერნები იმოძრავებს სხვადახვა უბანში და მომხმარებლებს, მოთხოვნის გათვალისწინებით, მიაწვდის სასმელ წყალს“, - ნათქვამია „ჯორჯიან უოთერ ენდ ფაუერის" მიერ გავრცელებულ ინფორმაციაში.
ამერიკის შეერთებული შტატების გარეშე ნატო ქაღალდის ვეფხვია, - ამის შესახებ აშშ-ის პრეზიდენტი, დონალდ ტრამპი სოციალურ ქსელში წერს.
„შეერთებული შტატების გარეშე ნატო ქაღალდის ვეფხვია! მათ არ უნდოდათ ბრძოლაში ჩართვა ბირთვულად შეიარაღებული ირანის შესაჩერებლად. ახლა, როდესაც ბრძოლა სამხედრო ძალებით მოგებულია, მათთვის ძალიან მცირე საფრთხით, ისინი ნავთობის მაღალ ფასებზე წუწუნებენ, რომლის გადახდაც უწევთ, მაგრამ არ სურთ ჰორმუზის სრუტის გახსნაში დახმარება, მარტივ სამხედრო მანევრში, რაც ნავთობზე მაღალი ფასების ერთადერთი მიზეზია.
რამდენად მარტივია მათთვის ამის გაკეთება, ასეთი მცირე რისკით. ლაჩრები, და ჩვენ დავიმახსოვრებთ!” - წერს ტრამპი.
