თბილისის მუნიციპალური ინსპექციამ ინერტული ნარჩენებით გარემოს დაბინძურების მონიტორინგს აქტიურად ახორციელებს. სამსახურმა აღნიშნული სამართალდარღვევის მასშტაბური ფაქტები გამოავლინა და აღკვეთა სახელმწიფოს კუთვნილ მიწებზე დიდ ლილოში, გლდანის შემოვლით გზაზე, ვაზისუბანში, წყნეთის გზატკეცილზე, გელოვანის ქუჩაზე, შატილის ქუჩაზე, გულუას და მაჭავარიანის ქუჩებზე.
"სამსახურის პრიორიტეტულ მიმართულებას წარმოადგენს რეკრეაციული ზონების და გარემოს დაცვა ინერტული ნარჩენებით დანაგვიანებისგან, ამ მიმართულებით ქმედით ღონისძიებებს ვახორციელებთ, მათ შორის თანამედროვე ტექნოლოგიების გამოყენებით. Მნიშვნელოვანია რომ გარდა ფინანსური სანქციებისა, სამსახური ავალებს სამართალდამრღვევს დანაგვიანებული ტერიტორიების მოწესრიგებას. ყველა ამ ლოკაციებზე მოხდა შემდგომი მასშტაბური დანაგვიანების და ნარჩენით ლანდშაფტური ცვლილების აღკვეთა" - განაცხადა თბილისის მუნიციპალური ინსპექციის უფროსმა, გოგი ჩიქოვანმა.
Მიმდინარე წელს საერთო ჯამში 134 ფაქტი გამოვლინდა, რომელზეც სამსახურის მიერ გატარდა ფინანსური სანქციები და სამართალდამღვევებს დაევალათ სახელმწიფოს კუთვნილი ტერიტორიების დასუფთავება.
