,
დიდუბის რაიონში, სამტრედიის ქუჩაზე, აფეთქების შედეგად დაზიანებულ კორპუსში წინმსწრებ-დამზღვევი ღონისძიებები მიმდინარეობს, მზადდება შენობა-ნაგებობის გამაგრება-გაძლიერების პროექტი, ასევე, ტარდება გეოლოგიური კვლევები.
მიმდინარე სამუშაოებს დღეს თბილისის მერი კახა კალაძე მოადგილე ირაკლი ბენდელიანთან ერთად გაეცნო.
„დიდუბის რაიონში, სამტრედის ქუჩაზე, მარტში მოხდა აფეთქება. ეს იყო "ნიკორას" სავაჭრო ობიექტი, სადაც ბუნებრივი აირის გაჟონვამ აფეთქვება გამოიწვია. ყველაზე მეტად დაზიანდა აღნიშნული კორპუსის ორი სადარბაზო, სადაც 44 ოჯახი ცხოვრობდა. დღეის მდგომარეობით მიმდინარეობს გამაგრებისთვის საჭირო ღონისძიებები. გარდა ამისა, ველოდებით დაექსპერტებულ პროექტს აღნიშნულ სამუშაოებთან დაკავშირებით. პირველ რიგში, მიმდინარეობს გადაუდებელი სამუშაოები, რომელიც მეორე დღესვე დაიწყო. 28 ოჯახი, რომელმაც თანხმობა განაცხადა, გაყვანილი გვყავს იჯარით. გამაგრება მომავალი წლისთვის დასრულდება და არა მხოლოდ ამ ორი სადარბაზოთი შემოვიფარგლებით, არამედ მთლიანად კორპუსის გამაგრება მოხდება, თავისი ხიმინჯების პროექტის განხორციელებით, რათა კორპუსი იყოს მყარი და არავითარი პრობლემა არ შეექმნას“, - განაცხადა კახა კალაძემ.
სამუშაოებს, რომლის ღირებულება 3 518 180 ლარია, შპს „ნადიგო” ახორციელებს.
დღესვე მერი აგლაძის ქუჩის N 38-ში მდებარე სკვერის სარეაბილიტაციო სამუშაოების მიმდინარეობასაც გაეცნო.
მასთან ერთად ადგილზე რაიონის გამგებელი ვლადიმერ ძნელაძე და მაჟორიტარი დეპუტატი გივი ჩხარტიშვილი იმყოფებოდნენ.
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
